Kalyan Student Death: विद्यार्थ्याला जीवन संपवण्यास प्रवृत्त केलं! शाळेच्या संचालकावर गुन्हा दाखल

कल्याण : अकरावीच्या वर्गात शिकणाऱ्या विद्यार्थ्याला आत्महत्येला प्रवृत्त केल्याप्रकरणी टिटवाळा पोलिसांनी इथल्या एका इंग्रजी माध्यमाच्या हायस्कूलच्या संचालकावर गुन्हा दाखल केला आहे. शाळेतून काढून टाकण्याच्या भीतीनं एका विद्यार्थ्यानं आत्महत्या केली होती. (Kalyan Student Suicide Case case has been registered against director of educational institution)

आत्महत्या करणारा विद्यार्थी आणि त्याच्या दोन मित्रांनी सोशल मीडियावर एक आक्षेपार्ह पोस्ट केली होती. या पोस्टमुळं तिघांवर शाळेनं कारवाई केली होती. त्यामुळं आता शाळेतून काढलं जाईल याचा धसका घेऊन एका विद्यार्थ्यानं आत्महत्या केली होती.

सोशल मीडियावर आक्षेपार्ह पोस्ट केल्यानं शाळेच्या संचालकानं तीन मुलांना मारहाण करत शाळेतून काढून टाकल्याचा आरोप करण्यात आला होता. पण या भीतीनं एका विद्यार्थ्यानं टोकाचं पाऊल उचलत स्वतःचं जीवनच संपवलं होतं.