Dombivali : घाटकोपर येथील होर्डींग पडून झालेल्या दुर्घटनेनंतर अनधिकृत होर्डिंगचा मुद्दा ऐरणीवर आला आहे. काही प्रमाणात अनधिकृत होर्डींगवर कारवाई होत असली तरी प्रशासन त्यात दुजाभाव करत असल्याचे दिसते. ठाणे व डोंबिवली जोडणाऱ्या मोठागाव माणकोली उड्डाणपुलाला लागून नवीन मोठमोठे होर्डींग उभारण्यात आले आहेत.
यामुळे घाटकोपरची पुनरावृत्ती होण्याची शक्यता नाकारता येत नाही. या अनधिकृत होर्डींगवर कारवाई करा अशी तक्रार युवासेना सचिव दिपेश म्हात्रे यांनी एमएमआरडीएकड़े केली आहे.
ठाणे ते डोंबिवली हे अंतर अवघ्या काही मिनिटांत पार करण्यास उपयुक्त असलेल्या मोठागाव माणकोली पुलाला वाहनचालक पसंती देत आहेत. या मार्गावरील वाहतूक वाढली असून आजूबाजूला खाडी किनारी गृहसंकुले देखील उभी रहात आहेत.
याचा फायदा घेत याठिकाणी मोठ मोठे अनधिकृत होर्डींगचे साचे उभारत त्यावर जाहीराती झळकवून लाखोंची कमाई केली जात आहे. अनधिकृत होर्डिंग लावणाऱ्यांवर थेट गुन्हा दाखल करा, असे आदेश दिले गेले आहेत.
मात्र या आदेशाला केराची टोपली दाखविली गेली आहे. या परिसरात सर्रासपणे अनधिकृत होल्डिंग उभे केले जातं असल्याचे समोर येत आहे. या अनधिकृत होल्डिंगवर कुठलीच कारवाई होत नसल्याने मोठी जीवित आणि होण्याची शक्यता वर्तवली जात आहे.
याबाबत युवासेना सचिव दीपेश म्हात्रे यांनी सांगितले की कोणतीही परवानगी न घेता भल्ले मोठे जाहिरातीसाठी होल्डिंग उभारले गेले आहेत. या होर्डिंगमुळे भविष्यात मोठी जीवित हानी होण्याची शक्यता आहॆ.
या होर्डिंगबाबत एमएमआरडीएच्या अधिकाऱ्यांकडे तक्रार केली आहे.
दरम्यान गेल्या महिन्यात घाटकोपर मध्ये होर्डिंग पडून अनेक जणांना आपला जीव गमवावा लागला आणि यानंतर राज्यात सर्वीकडे अशी दुर्घटना घडू नये म्हणून शासना कडून कठोर पाऊल उचलले जातं असताना माणकोली पुलावर अश्या प्रकारे सरासपणे लावले जाणारे होर्डिंगॉवर एमएमआरडीए अधिकारी दुर्लक्ष करत असल्याचे समोर येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
