अडीच कोटी आठवड्यामध्ये भरण्याची सोमय्यांना नोटीस; म्हणाले, 'राऊतांच्या...'

मुंबई: भाजप नेते किरीट सोमय्या यांना आज एक नोटीस पाठवण्यात आली आहे. '2.5 कोटी सात दिवसात भरा', असं या नोटीसमध्ये सांगण्यात आलं आहे. सुजित पाटकर आणि लाईफ लाईन हेल्थ केअर मॅनेजमेंट सर्विसेसने ही नोटीस पाठवल्याचं किरीट सोमय्या यांनी ट्विट केले आहे. सुजित पाटकर हे संजय राऊत यांच्या परिवाराचे भागीदार आहेत, असाही आरोप किरीट सोमय्यांनी केल आहे.

शंभर कोटींचा कोविड हॉस्पिटल केंद्र घोटाळा उघड केल्याबद्दल ही नोटीस पाठवण्यात आल्याचे किरीट सोमय्या यांनी आपल्या ट्विटमध्ये म्हटले आहे. दरम्यान उद्धव ठाकरे यांच्या डर्टी डझन विरुद्धचे आमची लढाई थांबणार नाही असे देखील किरीट सोमय्या आपल्या ट्विटमध्ये म्हणालेत आमचे लक्ष घोटाळा मुक्त महाराष्ट्र असे ट्विट देखील सोमय्या यांनी केले आहे

किरीट सोमय्या यांनी ट्विट करत म्हटलंय की, ₹२.५ कोटी ७ दिवसात भरा" किरीट सोमय्यांना "वसूली" नोटीस... सुजीत पाटकर (संजय राऊत परिवाराचे भागीदार) लाइफलाइन हेल्थकेअर मॅनेजमेंट सर्व्हिसेसनी पाठवली आहे. ₹100 कोटींचा कोविड हॉस्पिटल घोटाळा उघड केल्याबद्दल नोटीस पाठवली आहे. उद्धव ठाकरे यांच्या 'डर्टी डझन' विरुद्धची आमची लढाई थांबणार नाही, असा निर्धारही त्यांनी आपल्या ट्विटमध्ये व्यक्त केला आहे.