मुंबईः विरारच्या बोळींज येथे कोटक महिंद्रा बॅंकेच्या एटीएममध्ये पैसे भरणारी व्हॅन चोरट्यांनी पळवल्याची घटना घडली आहे. गुरुवारी संध्याकाळी साडे सहाच्या सुमारास ही घटना घडली आहे.
व्हॅनच्या ड्रायव्हरने हे कृत्य केल्याची माहिती समोर आली आहे. या व्हॅनमध्ये अंदाजे चार कोटी पेक्षा जास्त कॅश असल्याची ही माहिती मिळत आहे. मात्र पोलिस अधिकृतरित्या किती कॅश आहेत त्याबाबची माहिती देत नाहीत. कंपनीकडून अधिकृत माहिती मिळाल्यावर रक्कम कंन्फर्म करता येईल असं पोलिसांनी सांगितले आहे.
गुरुवारी संध्याकाळी साडे सहाच्या सुमारास विरार पश्चिमेकडील बोळींज येथील कोटक महिंद्रा बॅंकेतील एटीएम मध्ये पैसे टाकण्यासाठी आलेल्या कॅश व्हॅनमध्ये पैसे टाकण्यासाठी दोन लोडर कर्मचारी पैसे भरण्यासाठी एटीएम मध्ये गेल्यावर, ड्रायव्हर कॅश व्हॅन घेवूनच पळून गेल्याची माहिती प्राथमिक समोर आली आहे.
कोटक महिंद्रा बँकेच्या एटीएममध्ये पैसे भरण्यासाठी गाडीतून मॅनेजर आणि बॉडीगार्ड खाली उतरले. दोघेही जण खाली उतरल्यावर ड्रायव्हरने व्हॅन सुसाट पळवली. बॉडीगार्ड आणि मॅनेजरने जोरात आरडाओरडा केला. मात्र ड्रायव्हर वेगाने निघून गेला.
या व्हॅनमध्ये अंदाजे चार कोटी रक्कम असल्याची माहिती मिळत आहे. सध्या पोलिसांनी सर्व रस्त्यावर नाकाबंदी लावली असून तीन विशेष पथक यासाठी रवाना केले असल्याची माहिती मीरा भाईंदर वसई विरार पोलिस आयुक्तालयाच्या झोन 2 चे डीसीपी संजय पाटील यांनी दिली आहे.
----------------
(संपादन- पूजा विचारे)
kotak bank four and half crore cash Stolen ATM virar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.