मुंबई : म्हाडाच्या कोकण मंडळाने विविध ठिकाणच्या घरांची सोडत काढण्याची हालचाल सुरू केली आहे. या सोडतीमध्ये सुमारे एक हजार घरांचा समावेश करण्यात येणार असून, त्यामध्ये बहुतांश घरे ही पंतप्रधान आवास योजनेतील असल्याचे म्हाडातील सूत्रांनी सांगितले.
सोडतीची तयारी सुरू असून, गृहनिर्माणमंत्री, म्हाडा उपाध्यक्ष यांच्या मान्यतेनंतर ही सोडत काढण्यात येणार आहे. दिवाळी किंवा त्यापूर्वी ही सोडत काढण्याचे मंडळाचे नियोजन आहे.
लॉकडाऊननंतर जनजीवन पूर्वपदावर येऊ लागल्यानंतर म्हाडाच्या विविध मंडळांनी घरांच्या सोडती काढण्याच्या हालचाली सुरू केल्या आहेत. पुणे मंडळापाठोपाठ आता म्हाडाच्या कोकण मंडळाने सोडतीची तयारी सुरू केली आहे. मंडळाने पंतप्रधान आवास योजनेंतर्गत कल्याण येथील खोणी, शिरढोण येथे उभारलेल्या घरांची सोडत काढण्याचे ठरवले आहे. या घरांचे बहुतांश बांधकाम पूर्ण झाले असून, घरांची सोडत काढण्यात येणार आहे. सुमारे एक हजार घरांची ही सोडत असून, यामध्ये कोकण मंडळाच्या हद्दीतील इतर काही ठिकाणांचाही समावेश असणार आहे.
गृहनिर्माण मंत्री आणि म्हाडा उपाध्यक्ष यांच्याकडून ग्रीन सिग्नल मिळताच मंडळ सोडतीची जाहिरात प्रसिद्ध करेल, असे मंडळातील विश्‍वसनीय अधिकाऱ्याने सांगितले. तसेच पालावा येथील खासगी विकसकांकडून सर्वसामान्य जनतेसाठी उपलब्ध होणारी 20 टक्के योजनेतील घरांचे काम लॉकडाऊनमुळे रेंगाळले आहे. त्यामुळे येथील घरे या सोडतीमध्ये समाविष्ट केली नसल्याचे या अधिकाऱ्याने सांगितले.
---------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.