Maharashtra BJP Meeting: "मेहबूबा मुफ्तींसोबत सत्तेत जावं लागलं कारण..." फडणवीसांनी स्पष्ट सांगितलं

Maharashtra BJP Meeting:  भाजपने २०२४ निवडणुकांसाठी तयारी सुरू केली आहे. आज भाजपची 'महाविजय अभियान २०२४', ही कार्यशाळा पार पडली. या कार्यशाळेत राज्यभरातील महत्त्वाचे नेते आले होते. यावेळी उपमुख्यमंत्री देवेंद्र फडणवीस यांनी भाजप नेत्यांना संबोधित केले.

देवेंद्र फडणवीस म्हणाले, मुंबई महापालिकेर भाजप शिवसेना, आता राष्ट्रवादीच थोडासा झेंडा लावण्याची जबाबदारी आशिष शेलार यांच्याकडे देण्यात आली आहे.

फडणवीस म्हणाले, नेहमी विचार दूरचा करयाचा असतो, त्यासाठी संयम आणि विश्वास आवश्यक आहे. पक्ष आणि नेृत्तवावर विश्वास असल्याने भाजप उभी राहीली. आता आपल्याला विष पचवायचं नाही आहे. पण महाविजयासाठी कडू औषध जरी घ्यायची गरज पडली तर घ्यावं लागेल.

अनेकवेळा उपहास अन्याय पचवला आहे. लोकसभेत २ सदस्य निवडून आल्याने भाजपला चिडवलं होतं. आता भाजपचे सर्वाधिक खासदार आहेत. सरकारमध्ये आपल्याला आता नवीन सहकारी मिळाला आहे.  

कधीकाळी देशासाठी आपल्याला महेबूबा मुफ्ती यांच्यासोबत देखील जावं लागले. काही लोकांनी टीका केली. पण ती आवश्यकता होती. ३७० कलम हटवणे आपले ध्येय होते. त्यानंतर त्या पक्षाला लाथ मारून बाहेर येण्याचं काम भाजपने केले. आता पाकव्यात काश्मिर भारतात आणायचे आहे त्यासाठी आपण काम करत आहोत, असे देवेंद्र फडणवीस म्हणाले.