मंत्री महोदयांना लागली डुलकी अन्.. चक्क विखे पाटलांना जागे करण्याची सभापतींवर आली वेळ

Radhakrishna Vikhe Patil : महसूलमंत्री राधाकृष्ण विखे पाटील यांना आज विधानपरिषदेत चांगलीच झोप लागली होती. विखे पाटील पाटील यांना झोपेतून जागे करण्यासाठी चक्क शिपायाला पाचारण करण्यात आले. विखे पाटील एवढे गाढ झोपले होती की उपसभापती नीलम गोऱ्हे यांनी आवाज देऊन देखील ते उठले नाहीत.

उपसभापती नीलम गोऱ्हे यांनी विखे पाटील यांचे नाव घेवून त्यांना महसूल विभागाचं बिल मांडण्यास सांगितले. पण त्यावेळी विखे पाटील आपल्या आसनावर गाढ झोपेत होते.

नीलम गोऱ्हे यांनी दोन तीनदा विखे पाटील यांना हाक मारून जागे करायचा प्रयत्न केला. तरीही ते न उठल्याने अखेर सभागृहात उपस्थित असलेल्या शिपायाला सांगून मंत्री महोदयांना जागे करायला सांगितले. त्यानंतर मग त्यांनी विधेयक मांडले. ५ वाजून ३१ मिनिटांनी हा प्रसंग घडला. सामने याबाबत वृत्त दिले आहे.

महाराष्ट्र पावसाळी अधिवेशवाचा आज शेवटचा दिवस आहे. त्यामुळे सरकारने राहिलेले सर्व विधेयक आज मांडले. मात्र विखे पाटील यांची विधेयक मांडण्यापूर्वी चांगली धांदल उडाली.  मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी विधानसभेत आज अंतिम प्रस्ताव मांडला.