'मुख्यमंत्री ज्या घराण्यातून येतात, त्याचा त्यांनी मान राखावा, अन्यथा...'

"सचिन वाझे प्रकरण त्यानंतर अनिल देशमुख या सर्व विषयात उद्धव ठाकरेंनी घेतलेली भूमिका मुख्यमंत्रिपदाला शोभणारी नाही. मुख्यमंत्र्यांनी आधी सचिन वाझेचं समर्थन केलं. त्यानंतर सचिन वाझेला अटक झाल्यानंतर मुख्यमंत्र्यांनी एकही स्टेटमेंट दिलेली नाही. इतके गंभीर विषय झाल्यानंतरही मुख्यमंत्र्यांच मौन आश्चर्यचकीत करणारं आहे" अशी टीका देवेंद्र फडणवीस यांनी केली.  

"मुख्यमंत्र्यांनी त्यांच्या पदाचा मान राखत, ज्या घराण्यातून येतात, त्याचा मान राखत कारवाई करावी, नाहीतर लोक त्यांच्याकडे सुद्धा संशयाने पाहतील" असे देवेंद्र फडणवीस म्हणाले. 

अनिल देशमुखांच्या राजीनाम्याच्या मुद्यावर देवेंद्र फडणवीस म्हणाले...
 

"महाराष्ट्राच पोलीस दल देशातल सर्वोत्तम आणि मुंबई पोलीस दल जगात सर्वोत्तम आहे. पण या सरकारच्या कार्यकाळात पोलीस दलाचं मोठं खच्चीकरण झालं" असं देवेंद्र फडणवीस म्हणाले. "महाराष्ट्रात दुर्देवाने कोरोनाची लाट वेगाने पसरतेय. काल ५७ हजार केसेसेची नोंदणी झाली. आज ४५ ते ४६ हजार कोरोनाबाधितांची नोंद होऊ शकते. लोकांना बेडस, ऑक्सिजन मिळत नाहीय. प्रसार होत असताना व्यवस्था उभ करणं महत्त्वाचं आहे.  आपण सर्व मिळून कोरोनाच्या लाटेचा मुकाबला करुया.  भाजपाचा कार्यकर्ता लसीकरण मोहिमेत अग्रणी राहिलं" असे देवेंद्र फडणवीस यांनी सांगितले. 

कोविडचं संकट! मुंबईतील नायर रुग्णालयातील डॉक्टर आंदोलनाच्या पवित्र्यात

उच्च न्यायालयाच्या निर्णयाचं स्वागत...
"मुंबई उच्च न्यायालयाने गृहमंत्री अनिल देशमुख यांच्यावरील भ्रष्टाचाराच्या आरोपांची प्राथमिक सीबीआय चौकशी करण्याचे आदेश दिले आहेत. आम्ही उच्च न्यायालयाच्या या निर्णयाचं स्वागत करतो. निदान या निर्णयानंतर अनिल देशमुखांनी गृहमंत्रीपदाचा राजीनामा दिला पाहिजे" अशी मागणी राज्याचे विरोधी पक्ष नेते देवेंद्र फडणवीस यांनी केली. ते घाटकोपरमध्ये भाजपा आमदार पराग शाह यांनी उभारलेल्या कोविड आयसोलेशन सेंटरच्या कार्यक्रमात बोलत होते. 

"अनिल देशमुख गृहमंत्रीपदाचा राजीनामा देत नसतील, तर मुख्यमंत्र्यांनी त्यांच्याकडून राजीनामा घेतला पाहिजे. नैतिकतेच्या आधारावर एखाद्या मंत्र्याच्या विरुद्ध न्यायालयााने सीबीआय चौकशी सांगितल्यानंतर त्यांनी त्या पदावर राहण अयोग्य आहे" असे देवेंद्र फडणवीस म्हणाले.