.jpg?w=480&auto=format%2Ccompress&fit=max)
Latest Mumbai News | माजी राज्यसभा खासदार व स्वराज्य संघटनेचे संस्थापक छत्रपती संभाजीराजे यांच्या नेतृत्वाखाली आगामी विधानसभा निवडणुकीसाठी मार्चेबांधणी सुरू झाली आहे. दहीहंडीचा मुहूर्त साधत छत्रपती संभाजीराजेंनी आपला पहिला उमेदवार नवी मुंबईतून जाहीर केला आहे.
स्वराज्य पक्षाचे महाराष्ट्र प्रदेश उपाध्यक्ष तथा मराठा युवा सेनेचे प्रदेशाध्यक्ष अंकुश (बाबा) कदम यांना संघटनेकडून पहिली उमेदवारी जाहीर केली आहे. अंकुश (बाबा) कदम युवा फाउंडेशनच्या वतीने घणसोली येथे दहीहंडी उत्सवाचे आयोजन करण्यात आले होते. कार्यक्रमाला संभाजीराजे यांनी उपस्थित राहून गोविंदा पथकांचा सन्मान केला. मराठी कलाकारांबरोबरच मोठ्या प्रमाणात तरुणांची गर्दी या दहीहंडी उत्सवाला होती.
