फोर्ट मासळी बाजाराचा वाद सुरुच ; मासळी विक्रेत्यांचा विरोध

मुंबई : फोर्ट येथील (fort) छत्रपती शिवाजी महाराज मंडईतील 398 मासळी विक्रेत्यांच्या (fish traders) पुनर्वसनाचा वाद अद्याप सुरुच आहे.या विक्रेत्यांचे तात्पुरते पुनर्वसन (temporary shifting)आहे त्याच ठिकाणी करुन पुढील वर्षी महात्मा फुले मंडईत (mahatma phule mandai) कायमस्वरुपी जागा देण्यात येणार आहे. मात्र,याला मासळी विक्रेत्यांसह,फुले मंडईतील फळविक्रेत्यांनीही (fruits venders) विरोध केला आहे. त्यामुळे हा वाद आता पेटतच राहाणार असल्याची शक्यता आहे.

छत्रपती शिवाजी महाराज मंडईची इमारत धोकादायक झाल्याने ही इमारत पाडून टाकण्यात आली आहे.त्यामुळे येथील मासळी विक्रेत्यांना ऐरोली जकात नाक्यावर तात्पुरते स्थालांतरीत करण्यात आले.मात्र,या स्थालांतराला विक्रेत्यांनी विरोध केला नंतर शिवाजी मंडईच्या जागेवरच त्यांना तात्पुरत्या शेडचे बांधून देण्यात येणार आहे.या शेडचे गुरुवारी महापौर किशोर पेडणेकर यांच्या हस्ते भुमिपूजन झाले.

तर,2022 पर्यंत या मासळी विक्रेत्यांना महात्मा फुले मंडईत कायमस्वरुपी जागा दिली जाणार आहे.मात्र,या निर्णयाला फुले मंडईत मासे विक्रेत्यांच्या पुनर्वसनाला तेथील पारंपारीक फळ विक्रेत्यांनीही विरोध केला आहे.त्याच बरोबर मासे विक्रेत्यांनी फुले मंडईत स्थालांतरीत होण्यास नकार दिला आहे.छत्रपती शिवाजी मंडईच्या नव्या इमारतींच्या तळ मजल्यावर पुर्वी प्रमाणेच जागा द्यावी अशी विक्रेत्यांनी मागणी केली आहे.

आरक्षण रद्द,करार नाही

शिवाजी महाराज मंडईच्या इमारतीच्या जागेवर बाजाराचे आरक्षण होते.ते आरक्षण रद्द केले आहे.तसेच,विक्रेते हे पालिकेचे भाडेकरु होते.त्यामुळे पुनर्विकास करताना त्यांच्या करार केलेला नाही.त्यामुळे नव्या इमारतीत जागा मिळेल याची खात्री नाही असा आरोप अखिल महाराष्ट्र मच्छिमार कृती समितीचे अध्यक्ष देवेंद्र तांडेल यांनी केला.