मुंबईच्या माझगाव डॉकमध्ये महाराष्ट्र एटीएसची मोठी कारवाई केली आहे. एटीएसने ३१ वर्षीय स्ट्रक्चरल फॅब्रिकेटरला अटक केली आहे. संवेदनशील माहिती पाकिस्तानी महिलेला दिल्याचं तपासात उघड झालं आहे. पाकिस्तानी महिलेने या आरोपीला हनी ट्रॅपमध्ये अडकवलं असंही आता समोर आलं आहे. कल्पेश बायकरअसं अटक केलेल्या आरोपीचे नाव आहे.
महाराष्ट्र दहशतवाद विरोधी पथकाने (ATS) माझगाव डॉकयार्ड येथून एका 31 वर्षीय तरूणाला हनी ट्रॅपमध्ये अडकून स्ट्रक्चरल फॅब्रिकेटरला प्रतिबंधित क्षेत्रावरील संवेदनशील माहिती पाकिस्तानी गुप्तचरांना (PIO) दिल्याप्रकरणी अटक केली आहे. एटीएसने कल्पेश बायकर आणि त्याच्या संपर्कातील काही जणांविरुद्ध अधिकृत गुप्तता कायद्यांतर्गत गुन्हा दाखल केला आहे.
महिलेशी बोलणारा आरोपी कल्पेश हा पीआयओच्या महिला एजंटला हनी ट्रॅपमध्ये अडकून संवेदनशील माहिती देत होता.
त्याच्या फेसबुक प्रोफाइलनुसार, कल्पेश बायकर हा माझगाव डॉक शिपबिल्डर्स लिमिटेडमध्ये फॅब्रिकेटर म्हणून काम करत होता. रायगड जिल्ह्यातील अलिबाग येथील असलेल्या बायकरने अलिबाग येथील आयटीआय महाविद्यालयात फिटरचा अभ्यासक्रम पूर्ण केला. तो गेल्या दशकापासून Mazagon Dock Shipbuilders शी संबंधित आहेत, मे 2014 मध्ये तो कंपनीत कामाला लागला होता.
दरम्यान याआधीही अशा घटना समोर आल्या आहेत. डिसेंबरमध्ये, महाराष्ट्र एटीएसने मुंबईतील माझगाव डॉकयार्ड येथे काम करणाऱ्या 23 वर्षीय गौरव पाटील याला पाकिस्तानस्थित इंटेलिजन्स ऑपरेटिव्ह (PIO) च्या एजंटसोबत काही संवेदनशील माहिती दिल्याप्रकरणी अटक केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
