Malshej Ghat Accident: माळशेज घाटात कारचा भीषण अपघात!  क्रेनचा वापर करून तीन जणांना वाचवले, तिघांचा मृत्यू

Murbad Latest Update: माळशेज घाटाकडे जाणाऱ्या एका कारचा रविवारी रात्री भीषण अपघात झाला. त्यामध्ये तीन जण ठार झाले असून तीन जण जखमी झाले आहेत.

माळशेज घाटाच्या पायथ्याशी असलेल्या मुरबाड तालुक्यातील भोरांडे गावा जवळील वळणावर हा अपघात घडला. अपघात एवढा भीषण होता की त्या कार मध्ये अडकलेल्या लोकांना बाहेर काढण्यासाठी क्रेनचा वापर करावा लागला.

नरेश मधुकर म्हात्रे राहणार चिंचपाडा वय 26 , प्रतीक चोरगे राहणार गोवेली वय 21 , अश्विन भोईर राहणार वरप वय 26 असे मरण पावलेल्या तरुणांची नावे आहेत. अपघातात गंभीर जखमी झालेल्यांना कल्याण येथे हलविण्यात आले आहे.

वैभव अशोक कुमावत राहणार चिंचपाडा , बंटी उर्फ शिवाजी पुंडलिक गाडगे राहणार रेवती पाडा , अक्षय घाडगे राहणार रेवतीपाडा गोवेली असे गंभीर व्यक्तींची नावे आहेत.

हे सर्वजण ईरटीका कार क्रमांक MH 05--EA 1993 मधून कल्याण वरून माळशेज घाट मार्गे जात असताना अपघात झाला. माळशेज घाट रस्त्यावर वेगाने वाहने चालविली जातात. त्या रस्त्यावर वळणे असल्याने चालकाचा अंदाज चुकल्यास अपघात होत असतात. त्यासाठी या रस्त्यावरून संयमित वेगाने वाहने चालवावे असे आवाहन टोकावडे पोलीस ठाण्याचे पोलीस निरीक्षक दिनकर चकोर यांनी केले आहे.