मुंबई: न्यायालयाने दिलेल्या एका निकालाची सध्या मोठी चर्चा सुरु आहे. आपल्या वृद्ध आईची काळजी घेणं आवश्यक असल्यानं, न्यायदंडाधिकारी न्यायालयाने आपल्याच 20 वर्षांच्या मुलीवर घरात लैंगिक अत्याचार केल्याप्रकरणी दोषी आढळलेल्या 50 वर्षीय वडिलांना फक्त एक वर्षाच्या सश्रम कारावासाची शिक्षा सुनावली. पीडितेने गेल्या वर्षी न्यायालयात धाव घेतली होती.
"बापाने आपल्या मुलीवर केलेले अत्याचार गंभीर असल्यानं, हा गुन्हा गंभीर स्वरूपाचा आहे. मात्र लैंगिक छळाचा हा गुन्हा गंभीर स्वरूपाचा असला तरी, आरोपीचे वय विचारात घेतले जाऊ शकते. तसंच आरोपीचा हा पहिला गुन्हा आहे. महत्वाचं म्हणजे त्याला त्याच्या वृद्ध आईची काळजी घ्यावी लागते. त्यामुळे शिक्षा सुनावताना या सर्व गोष्टींची योग्य विचार केल्यास न्याय होईल" असं दंडाधिकारी एसए बजाज म्हणाले.
या खटल्यात जास्तीत जास्त तीन वर्षे सश्रम कारावासाची शिक्षा आरोपीला सुनावली गेली, मात्र 19 जून 2021 रोजी अटक झाल्यापासून आरोपी तुरुंगात आहे. त्यामुळे न्यायालयाने सांगितले की, त्याने आधीच तुरुंगात घालवलेला वेळ शिक्षेमधून वजा केला जाईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
