मुंबई - मुख्यमंत्री उद्धव ठाकरे यांच्या मुंबईतील 'मातोश्री' निवासस्थानी दोन निनावी दूरध्वनी आल्यानंतर तेथील सुरक्षेत वाढ करण्यात आली आहे. दूरध्वनी करणा-या व्यक्तींने कथीत स्वरूपात गँगस्टर दाऊद इब्राहिमचा हस्तक असल्याचे सांगितले आहे. याप्रकरणी गुन्हे शाखा अधिक तपास करत आहे.
शनिवारी रात्री 11 च्या सुमारास पहिला दूरध्वनी मातोश्रीच्या रिसेप्शनला आला होता. त्यात आपण दुबईवरून बोलत असल्याचे सांगून मुख्यमंत्री उद्धव ठाकरे यांच्याशी बोलायचे असल्याचे दूरध्वनी करणा-या व्यक्तीने सांगितले. रिसेप्शनवरून फोन बंद करण्यात आल्यानंतर संबंधीत व्यक्तीने पुन्हा दूरध्वनी केला व फोन डिस्कनेक्ट केल्यास मातोश्री उडवण्याची धमकी दिली.
याप्रकरणानंतर याबाबतची माहिती सुरक्षा अधिका-यांना देण्यात आली. त्यांनी पोलिसांना याप्रकरणी माहिती दिल्यानंतर पोलिसांनी तातडीने मातोश्रीवर धाव घेतली. सध्या गुन्हे शाखेसह राज्य गुप्तचर विभाग आणि सर्व सुरक्षा यंत्रणा तपास करत आहेत.
'मातोश्री'वर आलेल्या फोनवरील धमकीनंतर मातोश्री निवास्थानासोबतच ठाकरे कुटुंबाचीही सुरक्षा वाढवण्यात आली आहे. गृहमंत्री अनिल देशमुख यांनीही प्रकरणाची माहिती घेऊन आरोपीवर कारवाई करण्याचे आदेश पोलिसांना दिले आहेत. गुन्हे शाखा सध्या याप्रकरणी तपास करत आहे
----------------------------------------
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.