मुंबई- सर्वसामान्यांसाठी स्वस्तात घरे उपलब्ध करून देणे ही म्हाडाची ओळख आहे. मात्र मुंबई मंडळाकडून मुंबईकरांसाठी उपलब्ध करून दिलेल्या अल्प उत्पन्न गटातील घरांच्या किमती पाहिल्या तर म्हाडाची स्वस्तात घरे उपलब्ध करून देणारी ओळख आता म्हाडाच विसरू लागली का? हा प्रश्न निर्माण करण्यात आला आहे.
मुंबई मंडळाकडून जाहीर करण्यात आलेल्या लॉटरीत अल्प उत्पन्न गटासाठी वरळीतील सस्मिरा येथील ५५० चौरस फूटाचा फ्लॅटची किंमत तब्बल २ कोटी ६२ लाख रुपये इतकी निश्चित करण्यात आली आहे. फ्लॅटची किंमत पाहून अल्प उत्पन्न गटातील घर घेणाऱ्यांचे मात्र डोळेच फिरले आहेत.
विजेत्याला या किमती सोबतच सेवाशुल्क आणि मालमत्ता कर देखील भरावा लागणार आहे. त्यामुळे या घराच्या किमतीत अधिक भर पडणार आहे. वार्षिक उत्पन्न 9 लाख रुपये असणाऱ्या नागरिकांसाठी हे घर उपलब्ध करून देण्यात आले आहे. मात्र बँक यावर इतके कर्ज देईल का हा प्रश्न देखील आता उभा राहिला आहे.
मुंबईमध्ये घर घेण्याचे अनेकांचे स्वप्न असते. पण, गगनाला भिडलेल्या किंमती यामुळे ते सर्वांनाच शक्य होत नाही. अशा स्थितीत अनेक जण म्हाडाच्या लॉटरीकडे लक्ष ठेवून असतात. अशात मुंबईमध्ये म्हाडाने जाहिरात प्रसिद्ध केली आहे. मालाड, पवई, विक्रोळी, गोरेगाव, वडाळा यांसारख्या मोक्याची ठिकाणी म्हाडाची घरे मिळण्याची संधी निर्माण झाली आहे. पण, म्हाडाच्या घराच्या किंमती देखील सर्वसामान्यांच्या आवाक्याबाहेर असल्याचं दिसत आहे.
म्हाडाच्या घराच्या किंमती ३० लाखांपासून साडेसात कोटींपर्यंत आहेत. ताडदेवमध्ये उच्च उत्पन्न गटासाठीच्या घराची किंमत तब्बल ७.५ कोटी रुपये आहे. अर्ज नोंदणी सुरु झाली असून १३ सप्टेंबरला याबाबतचा निकाल जाहीर होणार आहे. त्यामुळे या निकालाकडे सर्वसामान्यांचे लक्ष असेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
