Mhada Mumbai Lottary: म्हाडाचा अर्ज भरताना खूपच अडचणी येताहेत? 'लाईव्ह वेबिनार' मधून मिळवा सर्व माहिती; कधी आणि कुठे? जाणून घ्या

मुंबई : म्हाडाच्या घरांसाठी मुंबई विभागाची जाहिरात प्रसिद्ध झाली आहे. पण याचे ऑनलाईन अर्ज भरताना अनेक अडचणी येत आहेत. याबाबत नागरिकांच्या विविध तक्रारी आल्या आहेत. यापार्श्वभूमीवर म्हाडाच्या ऑनलाईन संगणकीय सोडतीसाठी अर्जदारांना अधिक सुलभतेने अर्ज सादर करता यावा, याकरिता म्हाडाच्या मुंबई मंडळातर्फे १९ ऑगस्ट २०२४ रोजी दुपारी १२ वाजता लाईव्ह वेबिनार आयोजित करण्यात आला आहे.