Latest Mumbai News: शहर आणि उपनगर परिसरात म्हाडाच्या ठिकठिकाणी जागा आणि वसाहती आहेत. त्यामध्ये मोक्याच्या ठिकाणी होर्डिंग उभारून महसूल मिळवण्याच्या हालचाली म्हाडाने सुरू केल्या आहेत. याबाबत प्रशासनाकडून अभ्यास सुरू असून लवकरच धोरणात्मक निर्णय घेतला जाणार आहे.
मुंबईत म्हाडाच्या जागेवर ६० ठिकाणी होर्डिंग असून त्यापैकी दोन होर्डिंग अधिकृत असून उर्वरित ५८ होर्डिंग उभारण्याबाबत जागा मालाक म्हणून संबंधितांनी म्हाडाची परवानगी घेतलेली नाही. दरम्यान हे होर्डिंग काढायची की मागील प्रभावाने भाडे वसूल करून नियमित करावे, याबाबत म्हाडाकडून धोरण तयार केले जात आहे.
