Mumbai Crime : 155 रुपयांचे मोबाईल रिचार्ज ऑनलाईन करणे पडले लाखात; ऑनलाईन लाखोंचा गंडा

मुंबई : सांताक्रुझमधील 80 वर्षीय वृध्द नागरिकाला मोबाईल रिचार्ज करणे महागात पडले आहे. 165 मोबाईल रिचार्जच्या बदल्यात सायबर गुन्हेगारांनी त्यांच्या खात्यातून एक लाख रुपये लंपास केले. याप्रकरणी वाकोला पोलीस अधिकाधिक तपास करत आहेत.

या प्रकरणी तक्रारदार सेवानिवृत्त बँक व्यवस्थापक आहेत. सायबर भामट्यांनी मोबाइल एप्लिकेशन डाऊन लोड करण्यास सांगून फसवणूक केल्याचे पोलीस तपासात निष्पन्न झाले आहे.

25 जुलै मंगळवारी पीडित तक्रारदारांनी 155 रुपयांचे ऑनलाईन मोबाईल रिचार्ज केले होते. त्यावेळी त्यांच्या बँक खात्यातून रक्कम वजा झाली, पण मोबाइल रिचार्ज झाले नाही. त्यानंतर त्यांनी मोबाइल कंपनीला तक्रार करण्यासाठी ईमेल लिहिला.

ईमेल लिहिल्यानंतर तक्रारदार यांना मोबाईल कंपनीने संपर्क केला. मोबाईल कंपनीने तक्रारदाराला बँकेत जाऊन बँक खात्यातून रक्कम हस्तांतरीत झाल्याबाबत चौकशी करण्यास सांगण्यात आले. त्यानुसार तक्रारदाराने बँकेत जाऊन तपासणी केली. त्यावेळी त्यांच्या बँक खात्यातून 155 रुपये हस्तांतरीत झाल्याचे बँकेतून सांगण्यात आले.

शुक्रवारी 28 जुलैला दुपारी पिडीत तक्रारदाराला राहुल नावाच्या व्यक्तीचा दूरध्वनी आला, त्याने आपण बँकेच्या सेवा केंद्रातून बोलत असल्याचे सांगितले. कंपनी त्यांना 155 रुपये परत करत असल्याचे आश्वासन दिले.

त्या बहाण्याने आरोपीने तक्रारदार यांना मोबाईल ॲप्लिकेशन डाऊनलोड करण्यास सांगितले. तक्रारदाराने ॲप्लिकेश डाऊनलोड केल्यानंतर त्यांचा सीव्हीव्ही क्रमांक आरोपीला मिळाला. त्यानंतर त्यांच्या बँक खात्यातून विविध व्यवहारांद्वारे 1.02 लाख रुपये हस्तांतरीत करण्यात आले होते. याप्रकरणी त्यांनी वाकोला पोलिसांकडे तक्रार केली असून पोलिसांनी याप्रकरणी गुन्हा दाखल केला आहे. तक्रारदार यांच्या बँकेतील व्यवहारांच्या मदतीने पोलीस आरोपींचा शोध घेत आहेत.