Mumbai Crime News: मालवणी परिसरातील एका रहिवासी इमारतीच्या सुरक्षा रक्षकाने १० वर्षांच्या मुलीचा विनयभंग केल्याची घटना उघडकीस आली आहे. याप्रकरणी मालवणी पोलिसांनी ५५ वर्षीय सुरक्षा रक्षकाविरोधात विनयभंग व पॉक्सो कायद्याअंतर्गत गुन्हा दाखल केला असून त्याला अटक केली आहे.
पीडित मुलगी राहत असलेल्या इमारतीत आरोपी सुरक्षा रक्षक म्हणून कार्यरत आहे. गुरुवारी पीडित मुलगी इमारतीतील जिन्यावरून खाली उतरत होती. त्या वेळी तिच्यासोबत कोणी नसल्याचे पाहून आरोपीने तिच्याशी अश्लील वर्तन केले. घाबरलेल्या मुलीने घडलेला प्रकार तिच्या आईला सांगितला.
त्यानंतर मुलीच्या आईने या घटनेबाबत मालवणी पोलिसांकडे तक्रार दिली. मालवणी पोलिसांनी मुलीच्या आईच्या तक्रारीवरून तत्काळ गुन्हा दाखल करून आरोपीला अटक केली आहे. मुंबईतील न्यायालयाने आरोपीला पोलिस कोठडी सुनावली असून या प्रकरणात मालवणी पोलिस अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
