Uran News: चिरनेर येथे नव्याने होत असलेल्या हिंद टर्मिनल या लॉजेस्टिक कंपनीत बाधित शेतकऱ्यांच्या वारसांना नोकऱ्या व रोजगाराच्या संधी मिळण्यासाठी आज चिरनेर व कळंबुसरे येथील सुमारे दोनशे शेतकऱ्यांनी या कंपनीवर धडक देवून आपला संताप व्यक्त केला.
चिरनेर हद्दीत हिंद टर्मिनल ही लॉजेस्टीक कंपनी सुमारे 35 एकर जागेत उभी राहत आहे.चिरनेर व कळंबुसरे या दोन गावातील सुमारे 60 शेतकऱ्यांची पिकती जमीन अत्यंत कमी दरात खरेदी करण्यात आली.
त्यावेळी या जागेवर होणाऱ्या प्रकल्पात शेतकऱ्यांना नोकऱ्या देण्याचे आश्वासन देण्यात आले होते.सध्या या जागेवर हिंद टर्मिनल ही लॉजेस्टिक कंपनी उभी राहत आहे.मात्र कंपनीच्या उभारणीचे काम करणारे कंत्राटदार या कंपनीच्या बाधित शेतकऱ्यांना कोणताही रोजगार देत नाहीत.
त्यामुळे शेतकरी संतप्त झाले असून त्यांनी आज आपले अस्तित्व सिद्ध करण्यासाठी व आपल्या न्याय हक्कासाठी या कंपनीवर धडक मोर्चा काढून आपला संताप व्यक्त केला आहे.
यावेळी चिरनेर व कळंबुसरे गावातील सुमारे दोनशे शेतकरी सहभागी झाले होते.कंपनीचे काम पूर्ण झाल्यावर बाधित शेतकऱ्यांच्या वारसांना नक्की नोकरी व रोजगाराच्या संधी मिळतील असे हिंद टर्मिनल कंपनी प्रशासनाकडून शेतकऱ्यांना आश्वस्त करण्यात आले आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
