खासदार संजय राऊत यांच्या मैत्री बंगल्यावर कार्यकर्त्यांचा जल्लोष!

चेंबूर - संजय राऊतांना विशेष पीएमएलए कोर्टाकडून जामीन मंजूर झाल्याची वार्ता पसरताच शिवसैनिकांमध्ये जल्लोषाचं वातावरण निर्माण झाले होते. नेत्यांचे स्वागत करण्याकरिता परिसरातील शिवसैनिकांनी बंगल्यावर सकाळ पासून गुलाल, फटाके, फुलांचा गुच्छ व भगवा झेंडा घेऊन सज्ज होते तसेच निवासस्थानी दुपारीच डीजे मागविला होता. बंगल्याला बाहेर व आत रंगीबेरंगी रांगोळी काढण्यात आली होती.

बंगला वर लायटिंग व कंदिल लावल्याने मैत्री बंगला कंदील व दिव्याच्या प्रकाशात झळाळून गेला होता. आपला नेता आता येणार म्हणून कार्यकर्त्यांनी बंगल्यावर गर्दी केल्याने बंगल्याला छावणीची रूप आले होते. घराला लायटिंग, कंदील व व कार्यकर्ते एकमेकांना लाडू, पेढे भरवीत असल्याने मैत्री बंगल्यावर दिवाळी उत्सव साजरा होत असल्याने सारखे वाटत होते.

आपला मुलगा कित्येक दिवसाने घरी येणार म्हणून आई व पत्नी व मुली व कार्यकर्त्यांच्या चेहऱ्यावर आनंद दिसत होता. जंगल मे शेर आ चुका है! आला रे आला! कोण आला! शिवसेनेचा वाघ आला ! असे परिसरात सर्वत्र बॅनर लावण्यात आले होते. बंगल्यावर डीजे व फटाके फोडत जल्लोष साजरा करण्यात येत होता. महिला कार्यकर्त्यानी शिवसेना , शिवसेना, महाराष्ट्र माझा, चंद्रा गाण्याच्या ठेक्यावर नाचत एकच जल्लोष केला.

आवाज कुणाचा शिवसेनाचा! राऊत साहेबाचा विजय असो! अशा कार्यकर्त्या घोषणां देत परिसर घोषणाने दणाणून सोडला होता.

राऊत कधी येणार व त्याची कधी भेट होणार याची सर्वाना उत्सुकता लागली होती. याबाबत आई विचारणा केली असता माझा मुलगा खूप दिवसांनी घरी येणार आसल्याने आनंद होत आसल्याचे सांगितले.

प्रतिक्रिया- शालीन पवार (शिव सैनिक)

कारण नसताना आमच्या नेत्याला कारावास भोगावा लागला. लोकशाही आहे. लोकशाहीत सत्याचा नेहमी विजय असतो. आज विजय झाला आहे. याचा मला अभिमान आहे.

प्रतिक्रिया- प्रकाश सुर्वे (शिवसैनिक)

आनंद होत आहे. साहेब निर्दोष आहेत. हा लोकशाहीचा विजय आहे. आज आमची खरी दिवाळी आहे.