मुंबई : मुंबईत जवळपास एका महिन्यात काळ्या बुरशीच्या रुग्णांमध्ये (Mucormycosis) 56 टक्क्यांनी घट झाली आहे. सद्यस्थितीत काळ्या बुरशीचे 169 सक्रिय रुग्ण (Active Corona Patient) मुंबईतील विविध रुग्णालयात उपचार घेत आहेत. यातील काही रूग्ण असे आहेत जे खासगी रुग्णालयात (Private Hospital) उपचार घेत होते, परंतु उपचारांचा खर्च वाढल्याने महापालिका रुग्णालयात (BMC) शिफ्ट झाले. आतापर्यंत कोट्यवधी रुपयांची इंजेक्शन्स मुंबईतील गरजू रूग्णांना देण्यात आली आहेत जेणेकरुन त्यांना या आजारापासून बरे करता येईल. ( Mucormycosis patients decreases in mumbai crore rupees injection given -nss91)
मुंबईमध्ये आतापर्यंत 825 काळ्या बुरशीचे रुग्ण आढळले आहेत, त्यापैकी 70 टक्के रुग्ण मुंबईबाहेरून उपचारांसाठी शहरात दाखल झाले आहेत. डॉक्टरांच्या मते, या आजाराने ग्रस्त असलेल्या प्रत्येक रुग्णाला शस्त्रक्रियेची आवश्यकता आहे. 27 जून रोजी मुंबईत 384 सक्रिय रुग्ण होते, तर बुधवारी ही संख्या 169 झाली आहे. म्हणजेच रूग्णांची संख्या अर्ध्यावर गेली आहे. आतापर्यंत 139 रुग्ण केईएम रुग्णालयात उपचारांसाठी दाखल झाले असून त्यापैकी 63 सध्या उपचार घेत आहेत. तर, जेजेमध्ये 145 वरुन 13 रुग्ण, नायरमध्ये 46 वरुन 22, सायनमध्ये 78 वरुन 24 आणि कूपरमध्ये 42 वरुन 11 रूग्ण उपचार घेत आहेत.
सर्वांना शस्त्रक्रियेची गरज
काळ्या बुरशीचा संसर्ग नाक, डोळे आणि मेंदूवर मोठ्या प्रमाणात परिणाम होतो. जेथे जेथे हे संक्रमण होते, तो भाग शस्त्रक्रियेद्वारे काढून टाकला जातो. सर्व रुग्णांना कमीतकमी 2 ते 3 शस्त्रक्रिया आवश्यक असतात. तर काही प्रकरणांमध्ये संख्या वाढते. चांगली गोष्ट म्हणजे या आजारात मृत्यूचे प्रमाण जास्त आहे, परंतु मुंबईत आतापर्यंत 20 टक्के रुग्णांचा मृत्यू झाला आहे.
डॉ. हेमंत देशमुख, अधिष्ठाता, केईएम रुग्णालय
उपचारांसाठी 32 हजार इंजेक्शन्स
काळ्या बुरशीच्या उपचारांसाठी आतापर्यंत महानगरपालिकेने 31,248 कुपी खरेदी केल्या आहेत. यात इंजेक्शनचे दोन प्रकार आहेत. एका कुपीची सरासरी किंमत 6 हजार रुपये असते, त्यामुळे रूग्णांना केवळ 18 कोटी रुपयांची इंजेक्शन्स दिली जात आहेत. कोविड -19 मधील रुग्णांची दैनंदिन संख्या कमी झाल्याने गेल्या एक महिन्यात म्युकरमायकोसिसच्या रुग्णांमध्ये मोठ्या प्रमाणात घट झाली आहे. आता दाखल झालेल्या बहुतांश रूग्णांना इतर रुग्णालयांतून पालिकेच्या रुग्णालयांचा संदर्भ दिला जातो, असे पालिकेचे अतिरिक्त महानगरपालिका आयुक्त सुरेश काकाणी यांनी सांगितले.
20 टक्के मृत्यूंचे प्रमाण
वैद्यकीय इतिहासानुसार, म्युकरमायकोसिसच्या मृत्यूचे प्रमाण सरासरी 50% आहे. दरम्यान, मुंबईमध्ये मृत्यूचे प्रमाण 20% आहे. लोकांमध्ये जागरूकता वाढत असून तात्काळ उपचार केल्याचा हा परिणाम आहे. " 25 मे ते 21 जुलै दरम्यान लिपोसोमल एम्फोटेरेसिन बीच्या एकूण 31,248 कुपी म्युकरमायकोसिसच्या रूग्णांच्या उपचारासाठी खरेदी केल्या गेल्या. लिपोसोमल एम्फोटेरेसिन बीची एक कुपीची किंमत 5,900 आणि, 6,200 च्या दरम्यान आहे, असेही डॉ. देशमुख यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
