डोंबिवली - इमारतीची लिफ्ट बंद पडल्याने त्याने बाहेर निघण्यासाठी धडपड केली. मात्र त्याला बाहेर पडता आले नाही आणि सहाव्या मजल्यावरून लिफ्टच्या डकमध्ये पडल्याने त्याचा मृत्यू झाल्याची दुर्दैवी घटना कल्याण मध्ये घडली आहे. हिमांशू कनोजिया (वय 13) असे मयत मुलाचे नाव आहे. वडिलांनी इस्त्री केलेले ग्राहकांचे कपडे देण्यासाठी तो गेला असता ही घटना घडली. या घटनेमुळे परिसरात एकच हळहळ व्यक्त केली जात आहे.
कल्याण पश्चिमेतील गांधारी परिसरात रिद्धी सिद्धी ही सात मजली इमारत आहे. याच परीसरात हिमांशू याच्या वडिलांचा लॉन्ड्रीचा व्यवसाय आहे. वडिलांनी इस्त्री केलेले ग्राहकांचे कपडे देण्यासाठी हिमांशू हा बुधवारी रात्री रिद्धी सिद्धी इमारतीत गेला होता. चौथ्या मजल्यावरील ग्राहकांचे कपडे दिल्यानंतर तो
सहाव्या मजल्यावर जाण्यासाठी इमारतीच्या लिफ्ट ने निघाला. यादरम्यान लिफ्ट बंद पडल्याने बाहेर कसे निघायचे हे त्याला माहिती नव्हते. बाहेर निघायच्या प्रयत्न करत असताना तो सहाव्या मजल्यावरून खाली लिफ्टच्या डक मध्ये पडला. यामध्ये त्याचा दुर्दैवी मृत्यू झाला आहे. याप्रकरणी खडकपाडा पोलिसांनी प्राथमिक माहिती घेत आपल्या तपास सुरू केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
