मोखाडा : विधानसभा निवडणुकीच्या प्रचाराचा अखेरचा टप्पा सुरू झाला आहे. या टप्प्यात ऊमेदवार आणि कार्यकर्ते गृहभेटी देत आहेत. आदिवासी अतिदुर्गम मोखाडा तालुक्यातील मतदारांना आपला ऊमेदवार, ईव्हीएम मशीनवर कोणत्या क्रमांकावर आहे.
त्यांची निशानी कोणती आहे. तसेच मशीनवर मतदान कशा पध्दतीने केले जाते, याचे डमी ईव्हीएम मशीनवरून प्रात्यक्षिक करून दाखवत आहेत. तसेच मतदान करण्याचे आवाहन केले जात आहे.
विक्रमगड विधानसभा मतदार संघात महाविकास आघाडी चे ऊमेदवार सुनिल भुसारा, महायुतीचे ऊमेदवार हरिश्च॔द्र आणि जिजाऊ सामाजिक संघटनेचा पाठींबा घेतलेले अपक्ष ऊमेदवार प्रकाश निकम यांच्यात तिरंगी लढत होत आहे.
ऊमेदवार आणि कार्यकर्त्यांनी प्रचार करत गावपाडे पिंजून काढले आहेत. रॅली, बैठका, ध्वनिक्षेपकावरुन प्रचाराचा गावपाड्यांमध्ये धुराळा ऊडाला आहे. ऊमेदवार आणि कार्यकर्त्यांच्या प्रचाराच्या तिन फेर्या मतदार संघात झाल्या आहेत.
आता मतदार जागृती साठी पक्षीय पदाधिकारी आणि कार्यकर्ते घरोघरी जाऊन डमी ईव्हीएम मशीनवर मतदानाचे प्रात्यक्षिक करून दाखवत आहेत. आपला ऊमेदवार आणि त्याची निशाणी कोणत्या क्रमांकावर आहे हे मतदारांना सांगितले जाते आहे. तसेच ईव्हीएम मशीनवर मतदान कसे करायचे याचे प्रात्यक्षिक देखील करून दाखवले जात आहे. त्यामुळे अचुक मतदान होऊन आपल्याच ऊमेदवाराला कसे जास्त मतदान होईल यासाठी पक्षीय पदाधिकारी आणि कार्यकर्ते झटत आहेत.
#ElectionWithSakal
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.