Mumbai News: मुंबईतील अटल सेतूवरून उडी मारून एका व्यक्तीने आत्महत्या केल्याची घटना समोर आली आहे. कारुतुरी श्रीनिवास असं आत्महत्या केलेल्या व्यक्तीचे नाव असल्याचं समजत आहे. व्यक्तीचे वय ३८ वर्षे आहे. सदर घटना सीसीटीव्हीमध्ये कैद झाली असून व्हिडिओ सोशल मीडियावर व्हायरल होत आहे.
मिळालेल्या माहितीनुसार, श्रीनिवास हा अभियंता आहे. गेल्या काही दिवसांपासून तो आर्थिक अडचणीत सापडला होता. तो डोंबिवलीतील पलावातील रहिवाशी आहे. घरी पत्नी आणि एक पाच वर्षांची मुलगी असं कुटुंब आहे. प्राथमिक माहितीनुसार, त्याने आर्थिक विवंचनेतून आत्महत्या केली आहे.
सोशल मीडियामध्ये जो व्हिडिओ व्हायरल होत आहे त्यातून दिसतंय की, एक व्यक्ती अटल सेतूवर आपली कार थांबवतो. कारच्या खाली उतरतो. कारची सर्व काचं लावून घेतो. कठड्याजवळ जातो आणि थेट समुद्रात उडी टाकतो. पुलावरील टोल नियंत्रण कक्षाने न्वावा शेवा पोलिसांना यासंदर्भातील सूचना दिली होती. त्यानंतर पोलीस घटनास्थळी आले होते.
कारुतुरी श्रीनिवास यांचा मृतदेह अद्याप सापडलेला नाही. पोलिसांनी शोधमोहीम हाती घेतली असून मृतदेह खाडीमध्ये शोधला जात आहे. गेल्या काही दिवसांमध्ये दोन व्यावसायिंकांनी समूद्रात उडी टाकून जीव दिला आहे. त्यानंतर हा एक प्रकार घडला आहे. प्राथमिक माहितीनुसार, आर्थिक विवंचनेतून त्याने आत्महत्या केली असावी. पोलीस याप्रकरणी अधिक तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
