मुंबई - मणिपूरमधील घटनेविरोधात मुंबई काँग्रेसने सोमवारी संध्याकाळी काढलेल्या मेणबत्ती मोर्चाप्रकरणी आझाद मैदान पोलीस ठाण्यात 29 कार्यकर्त्याविरोधात गुन्हा दाखल केला आहे. आदेशाचे पालन न करता परवानगी नसताना मोर्चा काढल्याप्रकरणी गुन्ह्याची नोंद करण्यात आली आहे.
मुंबई काँग्रेस अध्यक्षा वर्षा गायकवाड आमदार, झिशान सिद्धीकी, माजी खासदार संजय निरुपम, माजी मंत्री आरीफ नसीम खान, चरणजीतसिंह सपरा यांचा देखील दाखल गुन्ह्यात समावेश आहे.
मणिपूरमधील घटनेविरोधात अद्याप ठोस कारवाई होत नसल्यामुळे केंद्र सरकारचा निषेध करण्यासाठी सोमवारी संध्याकाळी मुंबई काँग्रेस कार्यालयाजवळून मेणबत्ती मोर्चा काढण्यात आला होता.
परंतु पोलिसांनी हा मोर्चा मुंबई महानगरपालिका मुख्यालयाशेजारी अडवून नेत्यांसह कार्यकर्त्यांना ताब्यात घेतले होते.
या मोर्चामध्ये वर्षा गायकवाड यांच्या समवेत माजी खासदार संजय निरूपम, माजी मंत्री नसीम खान, माजी आमदार बाबा सिद्दीकी, आमदार जिशान सिद्दीकी, चरणसिंग सप्रा आदी नेत्यांसह कार्यकर्ते सहभागी झाले होते. परवानगीशिवाय मोर्चा काढणे व जमाव बंदीच्या आदेशाचे उल्लंघन केल्याप्रकरणी या सर्वांविरुद्ध गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
