Mumbai Central Railway: विनातिकीट प्रवास करणाऱ्यांकडून वसूल केला २०.४९ कोटींचा दंड, मध्य रेल्वेची कारवाई

Mumbai Central Railway Fine: मध्य रेल्वेने गेल्या महिनाभरात विनातिकीट प्रवास करणाऱ्या प्रवाशांकडून २०.४९ कोटी रुपयांचा दंड वसूल केला. सर्वाधिक दंड मुंबई विभागातून वसूल केल्‍याचे रेल्‍वेने सांगितले.

विनातिकीट प्रवासाला आळा घालण्यासाठी मध्य रेल्वेने उपनगरीय, मेल-एक्स्प्रेस, प्रवासी सेवा आणि विशेष गाड्यांमध्ये सखोल तिकीट तपासणी केली. डिसेंबर-२०२३ मध्ये मरेला २०.४९ कोटी रुपयांचा महसूल मिळाला. डिसेंबर २०२२ मधील २०.०४ कोटीच्या तुलनेत यात २.२३ टक्के वाढ झाली आहे. गैरसोय टाळण्यासाठी वैध रेल्वे तिकिटांसह प्रवास करा, असे आवाहन मध्य रेल्वेने प्रवाशांना केले आहे.

विभागनिहाय दंड

मुंबई ः ७.३३ कोटी रुपये

भुसावळ ः ४.५४ कोटी रुपये

नागपूर ः २.९४ कोटी रुपये

सोलापूर ः २.५८ कोटी रुपये

पुणे ः १.५६ कोटी रुपये

मुख्यालय १.५२ कोटी रुपये (Latest Marathi News)