मुंबईच्या 'या' जंबो कोविड केंद्रात आयसीयू बेड्सची मोठी उपलब्धता; वाचा सविस्तर

मुंबई : मुंबईतील (mumbai) सर्वात मोठ्या बीकेसी जंबो कोविड केंद्रात (bkc jumbo covid center) आयसीयु विभागात 30 बेड्स उपलब्ध झाले आहेत. दोन महिन्यांपूर्वी अमेरिकेच्या फायझर कंपनीने (america fizer company) बीकेसी कोविड केंद्राला आयसीयुसाठी लागणारी काही यंत्रसामुग्री (machines) दान केली होती.  त्यातून बीकेसी कोविड केंद्रात आयसीयु तयार करण्यात आले आहे.

या आयसीयूचा फायदा संभाव्य तिसऱ्या लाटेत मोठ्या प्रमाणात होणार आहे. उद्या या आयसीयू केंद्राचे उद्घाटन अतिरिक्त आयुक्त सुरेश काकाणी यांच्या हस्ते होणार असून ज्याप्रमाणे रुग्णांना आयसीयूची गरज पडेल तसे हे बेड्स सक्रिय केले जाणार आहेत असे बीकेसी कोविड केंद्राचे अधिष्ठाता डाॅ. राजेश ढेरे यांनी साांगितले.

दान केलेली यंत्रसामुग्री

1. रुग्ण माॅनिटर -30

2.सीएन एस माॅनिटर-2

3.सिरींज पंप - 90

4.इन्फ्लूझन पंप- 30

5. ब्लड आणि फ्लूड वाॅर्मर- 15

6. व्हेंटिलेटर- प्रौढ आणि बालकांसाठी- 15

7. डायलिसीस मशीन - 3

"दोन महिन्यांपूर्वी फायझर कंपनीकडून दान करण्यात आले होते. त्यांनी दिलेल्या यंत्रसामुग्रीतून पावणे दोन महिन्यांत 30 बेडचा आयसीयू  विभाग तयार केला गेला आहे. रुग्णांना या आयसीयूचा फायदा होणार आहे."

डाॅ. राजेश ढेरे, अधिष्ठाता, बीकेसी कोविड केंद्र