मुंबईत दिवसभरात कोरोनाच्या ४८५ नव्या रुग्णांची भर; ६ जणांचा मृत्यू

मुंबई : कालच्या तुलनेत आज कोरोना रुग्णांसह मृतांचा आकडा वाढला. आज कोरोनाच्या 485 नवीन रुग्णांची (corona new patients) नोंद झाली. कोरोना बाधित रुग्णांची एकूण संख्या 7,37,685 वर पोहोचली आहे. दरम्यान, दिवसभरात बरे होणाऱ्या रुग्णांचा आकडा ही वाढला असून आज 432 रुग्णांनी कोरोनावर मात केल्याने आतापर्यंत 7,14,424 रुग्ण कोरोनामुक्त (corona free patients) झाले आहेत.

आज 6 कोविड मृत्यूची नोंद झाली असून मृतांचा एकूण आकडा 16,048 वर पोचला आहे. बरे झालेल्या रूग्णांचा दर 97 टक्के असून कोविड वाढीचा दर 0.06 टक्के आहे.मुंबईतील रूग्ण दुपटीचा कालावधी 1276 दिवस आहे.आज दिवसभरात 41,024 कोविड चाचण्या झाल्या असून पॉझिटिव्हीटी दर 1.18 टक्क्यांवर पोहोचला आहे. आतापर्यंत 99,25,955 एवढ्या चाचण्या झाल्या आहेत. मुंबईत सध्या 4739 सक्रिय रुग्ण आहेत.