कोरोनाच्या तिसऱ्या लाटेचे संकेत; १२ वर्षांखालील चार मुलांचा समावेश

मुंबई : मुंबई सेंट्रल (mumbai central) आग्रीपाडा येथील अनाथाश्रमातील (orphanage) 16 मुलांसह 22 जणांना कोविडची बाधा (corona infection) झाली असल्याचे आढळले आहे. यात,12 वर्षाखालील चार मुलांचा (children) समावेश असून त्यांना नायर रुग्णालयात (nair hospital) दाखल करण्यात आले आहे.तर,11 मुले आणि 7 कर्मचाऱ्यांना भायखळा येथील कोविड केंद्रात (byculla corona center) दाखल करण्यात आले आहे. माहिती महानगरपालिकेकडून (bmc) देण्यात आली.

आग्रीपाडा येथील सेंट जोसेफ बोरडिग स्कुल आणि अनाथ आश्रमातील दोन मुलांना कोविडची बाधा झाल्याचे आढळले होते.त्यानंतर महानगर पालिकेच्या ई विभागाने या अनाथ आश्रमात चाचणी शिबीर राबवले.यात कर्मचाऱ्यांसह 95 जणांची चाचणी करण्यात आली.यातील 22 मुलांना कोविडची बाधा असल्याचे आढळले.त्यात 4 बालकांचा समावेश असून त्यांना नायर रुग्णालयात दाखल करण्यात आले आहे.तर,उर्वरीत मुलांना जंम्बो कोविड केंद्रात दाखल करण्यात आले आहे.

दोन मुलांना कोविडची बाधा असल्याचे आढळल्या नंतर सर्वाची तपासणी करण्यात आली होती.त्यात,हे रुग्ण आढळले आहेत.या सर्वांवर तत्काळ उपचार सुरु करण्यात आले असून सर्वांची प्रकृती स्थीर आहे.तसेच,इतरांचे आश्रमातच विलगीकरण करण्यात आले असल्याचे सांगण्यात आले. कोविडच्या पहिल्या व दुसऱ्या लाटेचा प्रभाव लहान मुलांवर फारसा पडला नाही.मात्र,तीसरी लाट लहान मुलांसाठी धोकादायक ठरू शकते असा अंदाज व्यक्त केला जात आहे.आता पर्यंत मुंबईत एकाच ठिकाणी एवढ्या मोठ्या प्रमाणात लहान मुले बाधीत अाढळली नव्हती.

कांदिवलीतील इमारत सील

कांदिवली येथील वीणा संगीत या इमारतीत महिनाभरापासून १४ रुग्ण सापडले आहेत, तर आतापर्यंत आठ रुग्णांनी कोविडवर मात केली. उर्वरित सहा रुग्णांवर उपचार सुरू आहेत. पालिकेने काही दिवसांपूर्वी ही इमारत सील केली आहे; मात्र गेल्या आठवडाभरात या इमारतीत नव्या रुग्णांची नोंद झाली नाही. तसेच या सर्व रुग्णांचे नमुने ‘डेल्टा व्हेरियंट’च्या तपासणीसाठी पाठवले होते; मात्र सर्व अहवाल नकारात्मक आले आहेत, असे पालिकेने सांगितले.