Navi Mumbai Crimeछ फॉर्च्युनर कारच्या बोनेटवर आकाशात उडणारे फटाके लावून पामबीच मार्गावर भरधाव कार चालवुन वाढदिवसाचा आनंद साजरा करणे कोपरी गावातील दोघा तरुणांना चांगलेच महागात पडले आहे. या तरुणांनी कारच्या बोनेटवर आकाशात उडणाऱ्या फटाक्यांची आतषबाजी करत सार्वजनिक रस्त्यावर भरधाव कार चालवून इतर वाहन चालकांच्या जीवीतास धोका निर्माण केल्याने त्यांच्या विरोधात एनआरआय पोलिसांनी गुन्हा दाखल केला आहे.
या प्रकरणात गुन्हा दाखल करण्यात आलेल्या तरुणांची नावे नयन नंदकुमार पाटील (21) व वंश मिश्रा (21) अशी असून हे दोघेही वाशीतील कोपरी गावात राहण्यास आहेत. गत 29 जानेवारी रोजी नयन पाटील याचा वाढदिवस असल्याने त्याने त्या दिवशी यशवंत पाटील याची फॉर्च्युनर कार चालवण्यास घेतली होती. त्यानंतर नयन पाटील याने मध्यरात्री सदर फॉर्च्युनर कारच्या बोनेटवर आकाशात उडणारे फटाके लावून त्याची आतिशबाजी करत सदर कार पामबीच मार्गावरील किल्ला जंक्शन ते एनआरआय सिग्नल दरम्यान, भरधाव वेगात चालवुन नेली होती.
काही वाहन चालकांनी आपल्या मोबाईलवरुन याचे चित्रिकण केले होते. त्यांनतर सदर व्हिडीओ व्हायरल झाला होता. याबाबतची माहिती एनआरआय पोलिसांना मिळाल्यानंतर पोलिसांनी सदर फॉर्च्युनर कारचा शोध घेतला असता, 29 जानेवारी रोजी नयन पाटील व त्याचा मित्र वंश मिश्रा या दोघांनी सदरचे कृत्य केल्याची माहिती पोलिसांना मिळाली. त्यानुसार पोलिसांनी या प्रकाराची गंभीर दखल घेत रस्त्यावरुन येणाऱया जाणाऱया वाहन चालकांच्या जीवीतास धोका निर्माण होईल अस कृत्य करणाऱया नयन पाटील व वंश मिश्रा या दोघां विरोधात गुन्हा दाखल करुन पुढील तपासाला सुरुवात केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
