मुंबई : मुंबईत काकाकडून अपहरण करण्यात आलेल्या पुतण्याची मुंबई पोलिसांनी पश्चिम बंगालमधून सुटका करून आरोपी काकाला अटक केली आहे. दक्षिण मुंबईतील भेंडीबजार परिसरात राहणाऱ्या लालचंद शेख याने आपल्या तीन वर्षांच्या सुमान शेखचेअपहरण केले होते. शनिवारी पश्चिम बंगालमधील छोटा कुलबेरिया जिल्ह्यातून लहान मुलाची सुटका केली.
4 जून रोजी आरोपीने मुलाच्या पालकांच्या परवानगीशिवाय 3 वर्षीय मुलाला घेऊन परागंदा झाला. मुलाच्या आईने 4 जून रोजी जे जे मार्ग पोलिसांकडे तक्रार दाखल केली होती. त्यानुसार पोलिसांकडून अपहरणाचा गुन्हा दाखल करत तपास सुरू करण्यात आला. तपासादरम्यान, पोलिसांना आरोपी पश्चिम बंगालच्या छोटा कुलबेरिया येथे आल्याची माहिती मिळाली.
त्यानुसार तत्काळ जेजे मार्ग पोलीसांचे एक पथक पश्चिम बंगालला रवाना झाले. स्थानिक पोलिसांच्या मदतीने पोलिसांनी 3 वर्षीय मुलाचा यशस्वी शोध घेतला. पोलिसांनी लहान मुलाला ताब्यात घेतल्यानंतर, मुलाच्या काकालानंतर बडा कुलबेरिया परिसरातून पकडण्यात आले. आरोपीला अपहरण आणि भारतीय दंड संहितेच्या इतर संबंधित तरतुदींनुसार अटक करण्यात आली आहे, मुलाला त्याच्या कुटुंबीयांच्या ताब्यात देण्यात आले आहे. अपहरणाचे कारण काय होते याचा तपास पोलीस करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
