सबस्क्राईब करा
मुंबई : ग्रॅण्ट रोडच्या पार्वती मेन्शनमधील तिहेरी हत्येप्रकरणी डी.बी. मार्ग पोलिसांनी शनिवारी आरोपी चेतन गालाविरोधात 364 पानांचे आरोपपत्र दाखल केले आहे. गुन्ह्याची गंभीरता लक्षात घेता प्रकरणाचा खटला सत्र न्यायालयात वर्ग होणार आहे.
शेजाऱ्यांनी कान भरल्यामुळे पत्नी आपल्याला सोडून गेल्याच्या रागातून आरोपी चेतन गालाने यावर्षी 24 मार्चला शेजारी राहणाऱ्या पाच व्यक्तीवर चाकूहल्ला केला होता. या हल्ल्यात तिघांचा मृत्यू झाला होता. एका महिलेवर आरोपीने तब्बल 30 ते 32 वार केले होते.
आरोपीने केलेल्या हल्ल्यात शेजारी जयेंद्रभाई मिस्त्री आणि ईलाबाई मिस्त्री या वृध्द दाम्पत्यासह 18 वर्षांच्या जेनील ब्रह्मभट हिचाही मृत्यू झाला होता. याशिवाय या हल्ल्यात जेनीलची आई स्नेहल ब्रह्मभट व प्रकाश वाघमारे गंभीर जखमी झाले होते.
72 साक्षीदारांची साक्ष
तिहेरी हत्ये प्रकरणी पोलिसांनी 364 पानांचे आरोप पत्र दाखल केलेलं आहे. आरोपपत्रामध्ये एकूण 72 साक्षीदारांची साक्ष असून 2 साक्षीदारांची साक्ष सीआरपीसी कलम 164 अंतर्गत महानगर दंडाधिकाऱ्यांसमोर नोंदवण्यात आली आहे. याशिवाय आर्थर रोड तुरुंगात चेतन गालाची ओळख परेड घेण्यात आली होती. त्यातही साक्षीदाराने आरोपीला ओळखले आहे. हत्येत वापरण्यात आलेला चाकू पोलिसांनी पंचनाम्यानंतर जप्त केला होता. तपासात तो चाकू आरोपीने पायधुनी परिसरातून 240 रुपयांना खरेदी केल्याचे निष्पन्न झाले आहे.
घटनेचा व्हिडिओ/ मोबाईल लोकेशन पुरावे
मोबाइल टॉवर लोकेशननुसार आरोपी चाकू खरेदी करताना पायधुनी परिसरात असल्याचे निष्पन्न झाल्यामुळे या दाव्याला आणखी बळकटी मिळाली आहे. घडलेल्या या घटनेचे चित्रीकरण काही पादचाऱ्यांनी त्यांच्या मोबाइलमध्ये केले होते. तेही या आरोपपत्रात पुरावा म्हणून सादर करण्यात आले आहे. याशिवाय इमारतीच्या शेजारी असलेले सीसीटीव्हीचे चित्रीकरणही या आरोपपत्रात सहभागी असल्याचे सूत्रांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
