मुंबई : धारावी येथे घरगुती वादातून पत्नीवर रॉकेल ओतून तिला पेटवून देऊन आत्महत्येचा प्रयत्न करणाऱ्या पतीचाही उपचारादरम्यान पत्नीपाठोपाठ गुरुवारी रात्री मृत्यू झाला. याप्रकरणी धारावी पोलिसांनी पतीविरोधात हत्येचा गुन्हा दाखल केला होता.
धारावीमधील नाईकनगर येथील वस्तीमध्ये प्रिया धुरिया व अनिल धुरिया हे दाम्पत्य वास्तव्यास होते. पती अनिलला दारूचे व्यसन असल्यामुळे त्यांच्यात वारंवार भांडण होत होते. अनिल बुधवारी दारू पिऊन घरी आल्यामुळे दोघांमध्ये कडाक्याचे भांडण झाले. भांडणामुळे त्यांचा दीड वर्षाचा मुलगा रडू लागल्यानंतर शेजारी राहणारी महिला त्याला आपल्या घरी घेऊन गेली.
त्यानंतर अनिलने मद्यधुंद अवस्थेत घरातील रॉकेल प्रियाच्या अंगावर ओतले व तिला पेटवले. त्यानंतर त्याने स्वतःच्या अंगावरही पेट्रोल ओतून घेतले व आग लावली. या घटनेत दोघेही गंभीररित्या भाजले. त्यांना तत्काळ शीव येथील लोकमान्य टिळक रुग्णालयात दाखल करण्यात आले. उपचारादरम्यान गुरुवारी दुपारी प्रियाचा मृत्यू झाला. त्यापाठोपाठ रात्री उशिरा अनिलचाही मृत्यू झाला. या घटनेत पत्नी 100 टक्के, तर पती 90 टक्के भाजला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
