Kalyan : उत्तर प्रेदशमधून आणलेला गावठी कट्टा कल्याणमध्ये विक्री करताना एकाला कोळसेवाडी पोलिसांनी सापळा रचून अटक केल्याची घटना शनिवारी (ता. ४) घडली. दानिश इश्तियाक अन्सारी (वय ३१, रा. भिवंडी) असे अटक केलेल्या आरोपीचे नाव आहे.
पोलिसांनी त्याच्याकडून १० हजार रुपये किमतीचा गावठी कट्टा हस्तगत केल्याची माहिती वरिष्ठ पोलिस निरीक्षक राजेश शिरसाट यांनी दिली. कोळसेवाडी पोलिस ठाण्याचे गुन्हे प्रकटीकरण पथकाचे सहायक पोलिस निरीक्षक दिनकर पगारे व त्यांच्या पथकातील पोलिस हवालदार सुशील हांडे, विकास भामरे, सुरेश जाधव, सचिन कदम, पोलिस नाईक रोहिदास बुधवंत, गोरक्षनाथ घुगे हे शनिवारी रात्री आनंदवाडी भागात गस्त घालत होते.
पोलिस डबल टॉवरजवळ आले असता त्यांना दानिश अन्सारी संशयास्पद फिरत असल्याचे आढळून आले. पोलिसांनी त्याला पकडून चौकशी केली. त्याने उत्तर प्रदेश येथून गावठी बनावटीचा कट्टा आणलेला असून विक्रीसाठी तो कल्याण येथे ग्राहक शोधत असल्याची माहिती उघड झाली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
