साकीनाका पोलीसांकडून मोबाईल चोरांचा पर्दाफाश

घाटकोपर : साकीनाका पोलिसांनी (sakinaka Police) मोबाईल चोरांचा (mobile thief) पर्दाफाश करून मुंबई, तसेच पश्चिम बंगाल, राजस्थान, गुजरात, उत्तर प्रदेश, बिहार, कर्नाटक अशा वेगवेगळ्या राज्यांमधून दोन वर्षांत चोरीस गेलेले तब्बल १६० मोबाईल (अंदाजे किंमत २० लाख) शोधून काढले.

ठाणे, मुंबई येथे नागरिकांनी मोबाईल हरवल्याच्या तक्रारी नोंद केल्या होत्या. नागरिकांच्या तक्रारींची दखल घेऊन पोलिस उपायुक्त डॉ. महेश्वर रेड्डी व वरिष्ठ पोलिस निरीक्षक बळवंत देशमुख यांच्या मार्गदर्शनाखाली पोलिस उपनिरीक्षक हनुमंत ढवण व त्यांच्या पथकाने शोधमोहीम सुरू केली होती. चोरट्यांकडून जप्त केलेले मोबाईल नागरिकांना परत करण्यात आले आहेत.