रोहिणी गोसावी : सकाळ वृत्तसेवा
मुंबई : मुंबई पोलिसांच्या अंमली पदार्थ विरोधी पथकाच्या (Anti Narcotics cell) आझाद मैदान युनिटनं (Azad Maidan unit) 1 कोटी किमतीच्या हेरॉइन (One crore rupees heroin seized) या अंमली पदार्थासह एकी 24 वर्षांच्या महिलेला अटक (Woman Arrested) केली आहे.
अंमली पदार्थ विरोधी पथकाचे आझाद मैदान युनिटमधील सहाय्यक पोलीस निरिक्षक सिद्धराम म्हेत्रे, पोलीस उपनिरीक्षक अमित देवकर, पोलिस उपनिरीक्षक मानसिंग काळे यांची टीम जेजे हॉस्पीटलजवळ गस्त घालत असताना एक महीला पोलिसांची गाडी बघून पळून जाताना दिसली. तातडीनं त्या महिलेचा पाठलाग करत तिला ताब्यात घेतलं. पंचांच्या समक्ष त्या महिलेची झडती घेतली असता तिच्याकडे 334 ग्रॅम हेरॉईन जप्त करण्यात आलं. आंतरराष्ट्रीय बाजारात त्याची किंमत 1 कोटी रुपयांपेक्षाही जास्त आहे.
अटक करण्यात आलेली महीला गेले अनेक दिवस अंमली पदार्थांची खरेदी विक्री करत आहे, अशी माहिती तिच्या चौकशीतून समोर आली. ही महीला एकटी नसून तिच्यासोबत मोठी टोळी असण्याची शक्यता पोलिसांनी वर्तवली आहे. आरोपी महिलेवर एनडीपीएस कायद्याच्या कलम 8(क) सह 21(क) अंतर्गत गुन्हा दाखल करण्यात आला आहे. .
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.