भिवंडी : तंबाखूजन्य पदार्थ विक्री (tobacco product selling) करण्यास बंदी असताना शहर परिसरात गुजरात, राजस्थान येथून गुटख्यासारखे तंबाखूजन्य पदार्थ विक्रीसाठी येत असल्याची माहिती निजामपुरा पोलिस ठाण्याचे (Nijampura police station) वरिष्ठ निरीक्षक नरेश पवार यांना मिळताच त्यांनी पथकासह नदी नाका येथे सापळा रचून शेलार गाव मार्गावर टेम्पो अडवून ३५ लाख ६४ हजार किमतीचा अवैध गुटखा जप्त (tobacco product seized) केला.
तसेच या गाडीच्या पाळतीवर असलेली कार, टेम्पो असा एकूण ४२ लाख ६४ हजार किमतीचा मुद्देमाल जप्त केला. याप्रकरणी गुन्हा दाखल करून तीन जणांना अटक केल्याची माहिती पोलिस आयुक्त योगेश चव्हाण यांनी दिली. सद्दाम मेहबूब हुसेन (वय २९, रा. बलरामपूर, उत्तर प्रदेश), जिशान अहमद शेख (२५, कुर्ला-मुंबई), मो. इब्राहिम हकीमदीन शेख (२८, कुर्ला-मुंबई) अशी अटक संशयितांची नावे आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
