Mumbai: आयपीएस अधिकारी सुधीर हिरेमठ यांची सीबीआयमध्ये वर्णी

मुंबई- आयपीएस अधिकारी आणि पोलिस उप महानिरीक्षक सुधीर हिरेमठ यांची केंद्रीय अन्वेषण विभागात म्हणजेच सीबीआयमध्ये नियुक्ती करण्यात आली आहे.

सन 2007 च्या बॅचचे असलेले डीआयजी सुधीर हिरेमठ यांनी यापुर्वी पुणे आणि पिंपरी पोलिस आयुक्तालयात उपायुक्त म्हणून तर पदोन्नती मिळाल्यानंतर काही दिवस सोलापूर पोलिस आयुक्त म्हणून कर्तव्य बजावले आहे.

राज्य गुन्हे अन्वेषण विभागात पोलिस उप महानिरीक्षक म्हणून सुद्धा ते कार्यरत राहिले आहे. आता प्रतिनियुक्तीवर पोलिस उप महानिरीक्षक सुधीर हिरेमठ हे आगामी 5 वर्षासाठी सीबीआयमध्ये कर्तव्य बजाविणार आहेत.

त्याबाबतचे आदेश भारत सरकार यांच्यावतीने काढण्यात आला आहे. त्याबाबत महाराष्ट्र राज्याच्या मुख्य सचिवांना देखील कळविण्यात आले आहे.

सीबीआयमध्ये काम करण्याची खुप कमी पोलिस अधिकार्‍यांना संधी मिळते. आता ही संधी पोलिस उप महानिरीक्षक सुधीर हिरेमठ यांना मिळाल्याने त्यांचे सर्वस्तरातून अभिनंदन करण्यात येत आहे.