आगामी मान्सून हंगामासाठी मुंबई तयार असल्याचं राज्याचे पर्यावरण मंत्री आदित्य ठाकरे यांनी सांगितलं आहे. त्यांनी मान्सूनपूर्व तयारीचा आढावा घेतला. यामध्ये रस्तेदुरुस्ती, झाडांची छाटणी, नालेसफाई अशा कामांची पाहणी करत तयारीचा आढावा घेतला. यावेळी त्यांनी वातावरणाविषयी चिंताही व्यक्त केली आहे. (Environment Aditya Thackeray on Mumbai Pre-monsoon preparations)
आदित्य ठाकरे (Aditya Thackeray) म्हणाले की, आम्ही आगामी मान्सूनची तयारी केली आहे पण शहरात यंदा अतिवृष्टी आणि महापुराची शक्यता आहे. जर एका तासात २०० मिमीपेक्षा जास्त पाऊस पडला तर शहरात पाणी तुंबण्याची समस्या निर्माण होईल. पण, आम्ही नालेसफाईचं काम योग्य रितीने केलं आहे. पूर आल्यास त्या पाण्याचा लवकर निचरा होईल. संभाव्य पूर परिसरामध्ये महापालिका ४८० हून अधिक पंपिंग स्टेशन्स उभारेल.
आदित्य ठाकरे पुढे म्हणाले, "महापालिकेने पुराची शक्यता असलेले ९० टक्के परिसर तपासले आहेत. मीही त्या त्या भागातल्या अधिकाऱ्यांना सूचना दिल्या आहेत की, त्यांनी वेळोवेळी या परिसराची पाहणी करावी.आत्तापर्यंत महापालिकेने नालेसफाईची ७८ टक्के कामं पूर्ण केली आहे. उरलेलं काम वेळेत पूर्ण होईल. लोक अगदीच नाल्याच्या कडेला राहत असल्याने काही ठिकाणी नालेसफाईच्या कामात अडथळे येत आहेत. "
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
