Ashwini Matekar : ठाकरे गटाला मोठा झटका ! मुख्यमंत्र्यांच्या उपस्थितीत नेत्याचा शिंदे गटात जाहीर प्रवेश

मुंबई - चांदिवली विधानसभा मतदार संघातील प्रभाग क्रमांक १५६ च्या उद्धव ठाकरे यांच्या शिवसेनेच्या माजी नगरसेविका अश्विनी अशोक माटेकर यांनी आज मुख्यमंत्री एकनाथ शिंदे यांच्या उपस्थितीत शिवसेनेत जाहीर प्रवेश केला.

यावेळी त्यांच्यासह उपविभाग प्रमुख अशोक परशुराम माटेकर, शाखा प्रमुख नितीन शंकर चव्हाण यांनीही शिवसेना पक्षात प्रवेश केला. यावेळी त्यांच्यासह शेकडो कार्यकर्ते उपस्थित होते. त्यांचे मुख्यमंत्री शिंदे यांनी पक्षात स्वागत केले. सामजिक आणि राजकीय वाटचालीसाठी त्यांनी शुभेच्छा दिल्या . तसेच चांदीवली विधानसभा क्षेत्रातील सर्व प्रश्न सोडविनासाठी प्रयत्न करण्याचे आश्वासन मुख्यमंत्री शिंदे यांनी दिले.

यावेळी कल्याण डोंबिवलीचे खासदार डॉ. श्रीकांत शिंदे, आमदार संजय शिरसाठ, आमदार दिलीप लांडे, शिवसेना प्रवक्ते आणि महाराष्ट्र राज्य समन्वयक नरेश म्हस्के, शिवसेना सचिव संजय म्हशीलकर आदी उपस्थित होते.