नवी मुंबई: ड्युटीवर तैनात असलेल्या वाहतूक पोलिसाने एका महिलेला आत्महत्या करण्यापासून रोखलं. शनिवारी सकाळी १०.१५ च्या सुमारास मानखुर्द वाहतूक पोलिसांची टीम वाहतुकीचे व्यवस्थापन करण्यासमध्ये व्यस्त होती. त्यावेळी एका वाहन चालकाने एक महिला आत्महत्या करण्यासाठी पुलाच्या ग्रीलवर चढल्याचे सांगितले. त्यानंतर कॉन्स्टेबल ढगे लगेच घटनास्थळाच्या दिशेने रवाना झाले.
दुसऱ्या वाहतूक पोलिसाने नियंत्रण कक्ष, मानखुर्द आणि नवी मुंबई पोलिसांना याची माहिती दिली. वेळप्रसंग लक्षात घेऊन कॉन्स्टेबलने त्या महिलेची समजूत काढली व तिला आत्महत्येपासून परावृत्त केले. ही महिला ग्रीलवरुन खाली उतरल्यानंतर तिला मानखुर्द पोलीस ठाण्यात नेले. तिथे तिने तिची ओळख सांगितली.
ही महिला एका माजी आमदाराची पत्नी आहे. घरगुती भांडणाला कंटाळून तिने हे आत्महत्येचे पाऊल उचलले होते. या महिलेला नवी मुंबई पोलिसांकडे सोपवण्यात आले. त्यांनी तिच्या कुटुंबीयांना माहिती दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
