Car stunts in Mumbai: सोशल मीडियात फेमस होण्यासाठी कोण काय करील याचा नेम राहिला नाही. आजकाल स्टंटबाज लोकांची तर कमीच नाही. परवाच स्टंटबाजीमुळे दोघांचा मृत्यू झालेला असताना आता आणखी एक व्हिडीओ व्हायरल झाला आहे.
व्हिडीओमध्ये एक तरुण कारच्या दरवाजाला लटकून कार चालवतोय. कारसोबत तोही रस्त्यावरुन चालतोय. ही कार फुटपाथवरही जातेय.. हा व्हिडीओ मुंबईतला आहे. या तरुणाने दारु पिऊन स्टंट केल्याचं उघड झालं आहे. पोलिसांनी या स्टंटबाजाच्या मुसक्या आवळल्या आहेत.
दरवाजाच्या बाहेर लटकत गाडी चालवण्याचा उपद्व्याप तरुणाला महागात पडला आहे. केवळ स्टेअरिंगला लटकत कार चालवण्याच्या नादात त्याने एका दुसऱ्या गाडीला धडकदेखील दिली. या तरुणाचे प्रताप समाजमाध्यमांमध्ये व्हायरल झाले आहेत.
या स्टंटबाज तरुणाचं नाव सुरज सावला असं असून त्याचं वय २६ वर्षे आहे. त्याला पोलिसांनी अटक केलीय. मोबाईल चित्रीकरणाच्या आधारावर पोलिसांनी त्याला अटक केली. वैद्यकीय तपासणीत तरुणाने मद्य प्राशन केल्याचंही स्पष्ट झालं.
मुंबईतल्या अंधेरी-घाटकोपर लिंक रोडवर सोमवारी मध्यरात्रीची ही घटना आहे. अशा पद्धतीने स्वतःचा जीव धोक्यात घालून इतरांच्याही जीवाला धोका निर्माण केल्याने पोलिसांनी त्याच्यावर गुन्हा नोंद केला आहे. हा व्हिडीओ बघून लोक कुठल्या थराला जावू शकतात, हे दिसून येतंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
