Mumbai Health: मुंबईतील वातावरणामुळे आजारांमध्‍ये वाढ !

Mumbai Health: मुंबईत सध्या विचित्र वातावरणाचा खेळ बघायला मिळत आहे. दिवसा गरम, तर रात्री थंडीचा अनुभव होत आहे. यामुळे सर्दी-खोकल्याचा त्रासही वाढला आहे.

मुंबईतील कमाल तपमान हे चढेच आहे. शुक्रवारी सांताक्रूझ येथे ३६.५; तर कुलाबा ३५.६ अंश सेल्सियस कमाल तपमानाची नोंद झाली आहे. यामुळे शहरासह उपनगरांमध्‍ये दिवसा प्रचंड उकड्याचा त्रास सहन करावा लागत आहे.

रात्री मात्र नेमकी उलट परिस्थिती दिसत आहे. रात्रीचे किमान तापमान घसरले आहे. सांताक्रूझमध्‍ये २१.४ आणि कुलाबा येथे २४.८ अंश सेल्सियस किमान तपमानाची नोंद झाली आहे.

आजारांमध्‍ये वाढ

वातावरणातील बदलामध्ये रात्री गारवा जाणवत आहे. गरम आणि थंड वातारणामुळे आरोग्यावर परिणाम होत आहे. नाक बंद होणे, सर्दी, खोकला आणि घसा खवखवण्याचे प्रमाण वाढले आहे. यात प्रदूषणाने त्यात भर घातली आहे. पुढील आठवडाभर ही परिस्थिती राहण्याची शक्यता असून त्यानंतर ‘ऑक्टोबर हीट’चे प्रमाण कमी होण्याची शक्यता वर्तवली जात आहे.