![kidnapped](http://media.assettype.com/esakal%2Fimport%2Fs3fs-public%2Fnews-story%2Fcover-images%2F4kidnap_5793.jpg?rect=148%2C0%2C747%2C420&w=480&auto=format%2Ccompress&fit=max)
मुंबईतील हॉटेल मालकाचे सोमवारी दुपारी अंधेरी पूर्वेकडील एमआयडीसी परिसरातून चार अज्ञात संशयितांनी अपहरण केल्याची धक्कादायक घटना घडली आहे.
मुंबई - मुंबईतील हॉटेल मालकाचे सोमवारी दुपारी अंधेरी पूर्वेकडील एमआयडीसी परिसरातून चार अज्ञात संशयितांनी अपहरण केल्याची धक्कादायक घटना घडली आहे. अपहरणकर्त्यांनी बनावट'एअरगन' वापरून हॉटेल मालकाचे अपहरण केल्याचा संशय पोलिसांनी व्यक्त केला आहे. माहिती मिळताच एमआयडीसी पोलीस आणि गुन्हे शाखेने घटनास्थळ गाठून या प्रकरणाचा तपास सुरू केला. पोलिसांनी संशयितांचा शोध घेण्यासाठी शोधमोहीम सुरू केली असून हॉटेल मालकाचा शोध सुरू आहे.
अंधेरी पूर्व येथील चकाला येथील हॉटेल वीरा रेसिडेन्सीमध्ये सोमवारी दुपारी अडीच ते साडेतीन वाजेच्या दरम्यान अपहरणाची घटना घडली. हॉटेलमधून पोलिसांना एअरगनची प्लास्टिकची काडतूस देखील सापडली आहे. अपहरण करणाऱ्या चार संशयितांचा हॉटेलच्या मालकाशी जोरदार वाद झाला आणि नंतर त्यांनी त्याला धमकी देण्यासाठी बनावट एअरगनचा धाक दाखवला. त्यानंतर त्यांनी मालकाला कारमध्ये बसवले. या गोंधळादरम्यान संशयितांनी हॉटेलबाहेर हवेत गोळीबारही केला. पोलिसाना हॉटेल मालक आणि अज्ञात संशयितांमध्ये पैशांवरून वाद झाला असल्याचा संशय आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.