मुंबई- पत्नीला धडा शिकविण्यासाठी आणि दुबईतील सासूने पैसे लाटण्यासाठी लोखंडवाला येथे राहणाऱ्या व्यावसायिकाला लुटीचा बनाव रचल्या प्रकरणी आग्रीपाडा पोलिसांनी अटक केली आहे.
याप्रकरणी आग्रीपाडा पोलिसांनी अमीर मोहम्मद बोरा याला अटक केली आहे. आरोपीने दिलेल्या माहितीनुसार त्याची पत्नी पैशांची उधळपट्टी करत असे जे त्याला कधीही पसंद नव्हते .दुबईतील आरोपीच्या सासूने घरासाठी 44 लाख रुपये पत्नीला दिले होते.
म्हणून पत्नीला धडा शिकविण्यासाठी आणि दुबईतील सासूने घरासाठी दिलेले 44 लाख रुपये लाटण्यासाठी आरोपीने स्वतःच्या लुटीचा प्लॅन आखला.
गुरुवारी आरोपीने ना. म. जोशी मार्ग येथून जात असताना पोलीस असल्याची बतावणी करत चौकडीने त्याच्याकडील 44 लाखांची रोकड चोरून नेल्याची आग्रीपाडा पोलिसात तक्रार केली.
पोलिसांनी त्यांच्या माहितीच्या आधारे चार जणांविरुद्ध गुन्हा नोंदवत अधिक तपास सुरू केला. मात्र आरोपीने दिलेली माहिती आणि घटनास्थळावरील पुराव्यांमध्ये तफावत दिसून आली. पोलिसांनी त्याच्याकडे उलट तपासणी करताच लूट झालीच नसल्याची माहिती समोर आली.
व्यावसायिकाच्या चौकशीत, पत्नी सतत पैसे खर्च करत होती. तिला पैशांची किंमत नव्हती. त्यात, सासूने घरासाठी 44 लाख रुपये दिले होते.
हे पैसेही पत्नी असेच खर्च करेल या भीतीने आणि पैसे चोरी झाल्याचे समजताच तिला पैशांची किंमतही समजेल म्हणून त्यांनी लुटीची खोटी माहिती दिल्याची कबुली पोलिसांना दिली आहे.
अखेर, पोलिसांनी मालाडच्या घरातून रोकड जप्त केली. याप्रकरणी आरोपी मोहम्मद बोराला शुक्रवारी रात्री अटक झाली. याप्रकरणी पोलिसांकडून अधिक तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
