मुंबईत मंगळवारनंतर भासणार कोरोना लसींची कमतरता ?

मुंबई : मुंबईत (Mumbai) पुन्हा एकदा लस तुटवडा ( less corona vaccines) भासू शकतो. सध्या पालिकेकडे (BMC) मंगळवारपर्यंतचा लसीचा साठा उपलब्ध आहे. जर पालिकेला मंगळवारी किंवा त्यापूर्वी सरकारकडून लसीचा साठा (Government vaccines stock) मिळाला नाही तर मंगळवार नंतर लसीकरणावर परिणाम (impact on vaccination) होऊ शकतो. (Mumbai-less corona vaccines-BMC-Government vaccines stock-nss91)

लसीच्या अभावामुळे, अनेक वेळा पालिकेला आठवड्याच्या शेवटी लसीकरण केंद्रे बंद करावी लागतात. 16 जानेवारीपासून मुंबईत सुरू झालेल्या लसीकरण मोहिमेअंतर्गत आतापर्यंत 72 लाखांहून अधिक लोकांना लसीचे डोस मिळाले आहेत. लसीकरणाच्या सुरुवातीला पालिकेने दावा केला होता की जर वेळेवर लस मिळाली तर ती एका महिन्यात संपूर्ण मुंबईकरांचे लसीकरण होऊ शकते.

परंतु, लसीअभावी पालिकेचा हा दावा अनेक वेळा फोल झाल्याचे सिद्ध झाले आहे. पालिकेचे अतिरिक्त आयुक्त सुरेश काकाणी यांनी साांगितले की, शुक्रवारी पालिकेला लसीचा नवीन साठा मिळाला.  पालिकेला शुक्रवारी एक लाख 80 हजार डोस मिळाले आहेत. रविवारी लसीकरण केंद्र बंद केल्यामुळे हा साठा मंगळवारपर्यंत राहील. मंगळवारी नवीन साठा मिळू शकेल अशी आशा त्यांनी व्यक्त केली आहे. जर साठा मिळाला नाही तर लसीकरणावर परिणाम होऊ शकतो. मात्र, गेल्या दोन दिवसांपासून मुंबईत लसीकरणाचा वेग जोरात आहे. शुक्रवारी आणि शनिवारी मुंबईत 1 लाखांहून अधिक लोकांचे लसीकरण करण्यात आले, त्यापैकी 70 टक्के लसीकरण पालिका केंद्रांवर झाले आहे.