Mumbai Local: लोकलमध्ये विनयभंग करणाऱ्या आरोपीला १ दिवसाची शिक्षा

Mumbai Local: मुंबई लोकल ट्रेनमध्ये २०१९ मध्ये एका महिलेचा विनयभंग केल्याप्रकरणी मुंबईतील महानगर दंडाधिकारी न्यायालयाने ४९ वर्षीय पुरुषाला एक दिवसाची शिक्षा सुनावली आहे.

न्यायालयाने आरोपीला न्यायालयाची पूर्ण दिवसाचे कामकाज पूर्ण होईपर्यंत शिक्षा भोगण्याचे निर्देश देत त्याला १००० रुपयांचा दंड ठोठावला. न्यायालयाने आरोपीचा त्याला या प्रकरणात गोवण्यात आल्याचा दावा मान्य करण्यासही नकार दिला. तसेच महिलेचे त्याच्याशी पूर्वीपासून कोणतेही वैयक्तिक वैर नसल्याच्या आरोपीच्या दाव्याचे न्यायालयाने खंडन केले.

अधिक माहितीनुसार १३ ऑगस्ट २०१९ रोजी पीडिता पश्चिम रेल्वेच्या लोकल ट्रेनमधून प्रवास करत असताना आरोपींनी तिचा वारंवार विनयभंग केला. त्यानंतर महिला आणि तिच्या भावाने आरोपीला शिवीगाळ करत त्याला पकडून वांद्रे रेल्वे पोलिस ठाण्यात नेले. पोलिसांनी महिलेच्या तक्रारीनुसार आरोपीवर गुन्ह्याची नोंद केली. तक्रारदार महिला आणि इतर साक्षीदारांच्या पुराव्यावरून आरोपीवरचे आरोप उघड झाल्याचे न्यायालयाने नमूद केले.