Mumbai Local News: मुंबईची Lifeline पुन्हा खोळंबली, मध्य व हार्बर मार्गावरील लोकल धावतायेत उशिराने

Mumbai Local latest News : मुंबईकरांसाठी खूप महत्त्वाची बातमी समोर आली आहे. ती म्हणजे लाईफ लाईन समजली जाणाऱ्या मुंबई लोकांची वाहतूक धीम्या गतीने सुरू आहे. मध्य रेल्वे आणि हार्बर रेल्वे मार्गावर ही रेल्वे वाहतूक उशिराने सुरू आहे.

मिळालेल्या माहितीनुसार, मुंबई शहर, उपनगर व इतर परिसरात काल दिवसभर मुसळधार पाऊस झाला. कल्याण, बदलापूर या भागातही काल चांगलाच पाऊस पडल्याचे पाहायला मिळाले. यामुळे मध्य रेल्वेची वाहतूक मंदावली होती

गेल्या काही दिवसांचा विश्रांतीनंत मुंबई शहर उपनगर व आजूबाजूच्या जिल्ह्यांमध्ये मुसळधार पाऊस पाहायला मिळत आहे. यामुळे मुंबईकरांचे चांगलेच हाल होताना पाहायला मिळत आहेत.

बुधवारी झालेल्या मुसळधार पावसाने मुंबईमध्ये ठीक ठिकाणी पाणी साचल्याच्या तक्रारी पाहायला मिळत होत्या. यामुळे रेल्वे वाहतुकीवरही परिणाम झाला होता. मात्र सकाळपासून पावसाने उसंत घेतली आहे आणि पाणी ओसरायला सुरुवात झाली आहे.

तर दुसरीकडे दिवसभर झालेल्या मुसळधार पावसानंतर मध्य रेल्वेची वाहतूक पुन्हा एकदा सुरू झाली आहे. मध्य व हरभर मार्गावरील लोकल या पाच ते दहा मिनिटांनी उशिरा धावत आहेत. तर सध्या कोणत्याही रेल्वे ट्रॅकवर पाणी साचले नसल्याची माहिती मध्य रेल्वेच्या अधिकाऱ्यांनी दिली आहे