Mumbai Local: पश्चिम रेल्वेवर खार-गोरेगाव स्थानकांदरम्यान पाचव्या-सहाव्या मार्गिकेच्या कामासाठी सुरू असलेला ब्लॉक आता अंतिम टप्प्यात आला आहे. गेले आठवडाभर लोकल रद्द झाल्याने वेठिस धरलेल्या प्रवाशांना शेवटचे दोन दिवस आणखी त्रास सहन करावा लागणार आहे. पश्चिम रेल्वेवर आज ९३ लोकल फेऱ्या रद्द असणार आहेत.
पश्चिम रेल्वेवर २९ दिवसांचा ब्लॉक घेऊन पाचव्या आणि सहाव्या मार्गिकेचे काम सुरू केले आहे. यादरम्यान, पश्चिम रेल्वे मार्गावरील लोकल फेऱ्या रद्द केल्या आहे. प्रवाशांची होणारी कोंडी लक्षात घेता पश्चिम रेल्वेने रद्द केलेल्या ३१६ लोकल सेवा पूर्ववत करण्यावर भर दिला आहे. बुधवार, गुरुवार आणि शुक्रवारी रद्द केलेल्या काही लोकल पूर्ववत केल्याने प्रवाशांना दिलासा मिळाला आहे. तसेच पश्चिम रेल्वेवर शनिवारी ९३ लोकल फेऱ्या रद्द राहणार आहेत.
सहाव्या मार्गिकेचे काम अंतिम टप्प्यात आले आहे. दोन दिवसांचे काम पूर्ण झाल्यानंतर त्याची पाहणी रेल्वे सुरक्षा आयुक्त ५ आणि ६ नोव्हेंबर रोजी करणार आहेत. या पाहणीनंतरच सहावी मार्गिका सुरू करण्याचा निर्णय होईल, अशी माहिती पश्चिम रेल्वेच्या वरिष्ठ अधिकाऱ्यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
